МУРАТБЕКОВ

МУРАТБЕКОВ Акылбек (1932-жылы туулган, азыркы Чүй обл., Аламүдүн р-ну, Байтик кыш. - 2001, ошол эле жер) - экономика илимдеринин доктору (1986), КРдин маданиятка эмг. сиң. ишмери (1993). 1954-ж. К. И. Скрябин атындагы КАЧИни бүткөн. 1963-82-ж. Кыргыз ССР ИАнын Экономика ин­тунда илимий кызматкер, 1982-84-ж. Кыргызстан а. ч. өндүрүшүн уюштуруу жана экономика ИИИде директордун орун басары, 1984-86-ж. Кыргыз ССР А. ч. министрлигинин илим жана пропаган­да башкы башкармалыгынын начальниги, 1986- жылдан Экономика ИИИде бөлүм башчы болуп иштеген. КРдин Шахмат федерациясынын төра­гасы (1970-жылдан). Эмгектери илимий техникалык про­гресстин шартында а. ч. өндүрүпгүнүн экономикалык на­тыйжалуулугун жогорулатууга арналган. Ал 50дөн ашык илимий эмгектин (5 монография, анын ичинде 3 авторлош) автору. Анын демилгеси менен Фрунзе­де (азыркы Бишкек) шаардык шахмат клубу ачылып, 1980-жылдардын башында шахмат б­ча СССРдин чемпионаты өткөн. Шахмат боюнча дүйнөнүн чемпиондору М. Таль, Т. Петросян, А. Карпов, Г. Каспаров, М. Чибурданидзе, Н. Иосилиани ж. б. Кыргызстанга келип, тажрыйба бөлүшкөн.