МОЗАИКА

МОЗАИКА (латынча musivum - музаларга арнал­ган дегенден) - монументалдык-жасалга искусство­сунун негизги бир түрү; ар кыл материалдар­дын (табигый түстүү таш, смальта, айнек, ка­рапа такталары ж. б.) сыныктарынан же кел­килеринен кураштырылып жасалган сүрөт же кеште. Мозаикалык техника менен аткарылган чыгармалар да М. деп аталат. М-нын өзгөчө бир

Мозаика жасоо про­цесси.

түрү - инкрустация. М. жасоонун үч жолу бар: 1) таш, айнек ж. б. келкилер полго, дубалга, шыпка цементтин жардамы менен жабыштыры­лат; 2) келкилер кагазга, металлга же жыгач тактайга жабыштырылат да, андан соң ал ке­ректүү жерге (дубалга, полго) даяр калыбында кадалат; 3) ар түрдүү түстөгү кездемелердин ке­синдилери керектүү формада кесилип алынып, бири бирине куроонун натыйжасында кооз кез­деме М-сы (курак) келип чыгат. Флоренциялык деп аталган М. түстүү таш такталарынан турат. СССРде монумент М. тармагында П. Д. Корин, Атап Айтканда Дейнека, Г. О. Рублёв иштеген. Кыргызстанда М. боюнча А. Н. Михалёв, С. Б. Бакашев, А. Н. Ка­менский, Т. Т. Герцен ж. б. иштешкен.