МОСКВА МАМЛЕКЕТТИК УНИВЕРСИТЕТИ

МОСКВА МАМЛЕКЕТТИК УНИВЕРСИТЕТИ М. В. Ломоносов атындагы (ММУ) - Россиядагы эң ири жогорку окуу жай; дүйнөлүк илимдин борбо­ру. 1755-ж. М. В. Ломоносовдун демилгеси боюнча негизделген. Анда алгач философиялык, укук жана медициналык факультеттер ачылган. Ломоносовдун шакирттери менен анын жолун жолдоочулар Д. С. Аничков, Атап Айтканда Барсов, С. Е. Десницкий, И. А. Третья­ков, С. Г. Забелин, Н. И. Новиков, Н. Н. Попов­ский, Д. И. Фонвизин ж. б. сыяктуу университеттин илимпоздору жана илимий мектептери дүйнөлүк илимге зор салым кошкон. Университетте К. А. Тими­рязев, И. М. Сеченов, Н. И. Пирогов, С. П. Бот­кин, Н. Е. Жуковский, П. Г. Виноградов ж. б. эмгектенишкен. Университеттен А. С. Грибоедов, М. Ю. Лермонтов, И. С. Тургенев, А. П. Чехов ж. б. белгилүү жазуучулар, ошондой эле Анын Ичинде Герцен, В. И. Немирович-Данченко, Е. Б. Вахтангов сыяктуу көрүнүктүү адамдар билим алышкан. Учурда ММУнун курамында 40 факультет, 15 илим-изилдөө институту, 500дөн ашык кафедра, лабор., 6 филиа­лы, китепканалары, музейлери, басмасы, бас­маканасы бар (2010). Университет өлкөдөгү эң ири инно­вациялык борбор болуп саналат. 2006-07-ж. университетте «Билим берүү» улуттук долбоорунун ал­кагында инновациялык билим берүү принциби­нин негизинде 67 магистрдик программалардын окуу-методикалык комплекстер иштелип чык­кан. ММУ - үзгүлтүксүз билим берүүчү бирден бир ЖОЖ болуп саналат. 1940-ж. Ленин орде­ни менен сыйланып, М. В. Ломоносовдун ысмы берилген. 1955-ж. Эмгек Кызыл Туу, 1980-ж. Ок­тябрь революциясы ордендери менен сыйланган. Кыргыз интеллигенциясынын көп өкүлдөрү ММУда билим алышкан, аспирантураны, док­торантураны бүтүшкөн, стажировкада бо­лушкан.

Ад.: Все о Московском университете (1755-2001); библиографический указатель к 250-летию Москов­ского государственного университете им. М. В. Ломо­носова. М., 2002. Ж. Медералиева.