МЕТРОЛОГИЯ

МЕТРОЛОГИЯ (грекче metron - ченем, өлчөм жана ...логия) - өлчөө, өлчөөлөрдү бирдиктөө жана талап кылынуучу тактыкка жетишүү методдо­ру жөнүндөгү илим. М-нын негизги проблемалары­на төмөнкүлөр кирет: өлчөөнүн жалпы теория­сын түзүү (теориялык); физикалык чоңдуктардын бирдиктер системасын түзүү (колдонмо); өлчөө методдору­нун жана өлчөө каражаттарынын бирдей болу­шун камсыз кылуу (закондук М.); эталондорду жана өлчөөнүн үлгүлүү каражаттарын жасоо; чен­дерди жана өлчөө каражаттарын текшерип ту­руу. М-нын өнүгүшүндөгү тарыхый этаптар: метр эталонун аныктоо (Франция, 18-к-дын аягы), бирдиктердин абсолюттук системасын түзүү (К. Гаусс, 1832), Эл аралык метрдик (чендик) конвенцияга кол коюу (1875), Бирдиктердин эл аралык системасын (СИ) иштеп чыгуу жана аныктоо (1960). М-лык изилдөөлөрдү Эл аралык метрол. уюм координациялайт. 20-май - Бүткүл дүйнөлүк М. күнү.