МАССАНЫН САКТАЛУУ ЗАКОНУ

МАССАНЫН САКТАЛУУ ЗАКОНУ — химиялык реак­цияга катышкан заттардын массасы реакция­нын натыйжасында пайда болгон продуктулар­дын массасына барабар экендигин көрсөткөн закон. М. В. Ломоносов ачкан (1756). Бул за­кон химиялык реакциянын жүрүшүндө реакцияга кирген атомдордун саны өзгөрбөйт деген жал­пы эрежеге негизделген. Мисалы, суунун 1 молу­нун массасы 18 гга барабар. Эгерде аны ажы­ратсак, ал 2 г суутек жана 16 г кычкылтек­ке ажырайт, башкача айтканда 1 молъ Н₂О ->1 моль Н₂ + + 1/2 молъ О₂ же 18 г Н₂О—>2 г Н₂+16 г О₂. Бул закон биринчилерден болуп ачылган химиянын фундаменталдык закону болуп эсептелет.