ЛЕГЕНДА

ЛЕГЕНДА (лат. 1е§епс1а - окууга сунуш кылын­гандын бардыгы деген мааниде) - 1) о. кылым­дарда Европада кеңири тараган диний маз­мундагы, мүнөздөгү жазма баяндар; 2) оозеки ад-ттагы керемет окуялар, фантастикалык об­раздар ж-а түшүнүктөр баяндалган, угармандар ж-а окурмандар тарабынан ырастай, чындык­тай кабыл алынган чыгармалар. Уламыштан айырмаланып, мазмуну өтө эле фантастикалуу келет да, өткөн учур тууралуу да, азыркы убак, келечек ж-дө да баяндайт. Кыргыз фольклорун­дагы Л-ларды тематикасына карап космого­ниялык (Күн, Ай, жылдыздардын келип чыгы­шы ж-дө), топонимикалык (жер-суу аттарынын пайда болушу тууралуу), диний, тарыхый, баа­тырдык ж. б. бөлүүгө болот. Л-ларды азыркы акын-жазуучулар өз чыгармаларында колдонуп, алардын сюжеттерин, окуяларын, жазып аткан чыгармасынын темасын, идеясын терең ачып, образдарды жеткиликтүү берүү үчүн пайдала­нышат.