ЛАНДШАФТ КАРТАЛАРЫ

ЛАНДШАФТ КАРТАЛАРЫ табигый аймактык ж-а антропогендик комплекстердин жайгашуу­сун ж-а структурасын чагылдырган карталар. Жалпы ил. (ар кандай рангадагы ландшафттык бирдиктерди камтуучу), баа берүүчү (аймакта чар­баны уюштуруу үчүн ландшафтты баалоочу), прогноздоочу (ландшафттын табигый ж-а тех­ногендик таасирлерден өзгөрүүсүн көрсөтүүчү) карталар болуп бөлүнөт. Ал эми, байыркы ланд­шафттардын реконструкцияланган карталары палеоландшафт карталары деп аталат.