ЖАНДАНДЫРУУ (стилдик ыкма же каражат)

ЖАНДАНДЫРУУ – айбанатты, жаратылыш көрүнүштөрүн же жансыз нерселерди сүрөттөөдө аларды адам сыяктуу ойлотуп, кайгыртып (антропоморфизм) көрсөтүүчү стилдик ыкма же каражат (мисалы, «Аскасы бийик тоо ыйлап, арс­тан Манас өлгөндө, карагай ыйлап, тал ыйлап...»). Жандандыруу көркөм адабиятта сүрөттөлүп жаткан окуяны же кубулушту элестүү, даана чагылды­руу үчүн пайдаланылат. Ал фольклордо да, көркөм адабиятта да арбын учурайт (мисалы, «жүрөк ырдайт», «суу күлөт», «асман ыйлайт»).