МУНИЦИПАЛИТЕТ

МУНИЦИПАЛИТЕТ (латынча municipium, немисче Munizipalität, фр. municipalité) - өзүн өзү баш­каруу бирдиги, башкача айтканда белгилүү бир аймакты (не­гизинен кыштак, шаар), анда жашаган калкты камтыган жергиликтүү администрациялык бирдик. Көпчүлүк өлкө­лөрдө анын эки түрү сакталган. Биринчисине башында мэр же шаардык кеңеш (муниципал­дык кеңеш) туруп, чоң-чоң шаар аймактарын кучагына алган администрациялык бирдиктер кирет. Ал эми кээ бир өлкөлөрдө өзүн өзү башкаруу система­сына ылайык шайланма орган башкарган эң төмөнкү администрациялык бирдик М. болуп эсептелет.