МОНАКО (шаар)

МОНАКО - Монако Княздыгынын борбору. Жер Ортолук деңиздин жээгинде жайгашкан. Дүй­нөдөгү эң кичине шаар (аянты 1,95 км²). Калкы 3 миң (2006). Негизинен шаарда о. кылымдын көрүнүшү басымдуу. 16-18-к-дын тектир бакча­лары менен кварталдары сакталып келүүдө. Княз-

Княздардын ак сарай комплекси.

дардын ак сарай комплекси, музейлер (океано­графия аквариуму менен, алгачкы антропология), псевдороман стилиндеги кафедралуу собор (19-к.), Ла Мизерикорд капелласы (17-к.), ки­тепкана (фонду 12 миң), архив (13-18-к-дын до­кументтери жана 1640-жылдагы княздыктын ак­часы сакталууда), музыка академиясы бар. Көптөгөн эл аралык уюмдардын (гидрография бюросу, туризм академиясы) борбору. 13-14- к-дагы чептин калдыгы, 16-19-к-дагы ак сарай­лар, 16-18-к-дын турак-жай кварталдары сак­талган. Эл аралык жолугушуулар (негизинен океанографияга тиешелүү) жана жыл сайын тен­нис боюнча ири турнирлер, музыка жана цирк фести­валдары, «Формула1» автожарышы өткөрүлүп турат. Экзотика багы (миңдеген сейрек кездеш­кен өсүмдүктөрү менен) уюштурулган. Туризм өнүккөн.