«НЕВАКЕТ» барагынын кодун көрүү

<p><strong data-text-type="type_1_article_title">НЕВАКЕТ, </strong>Навекат - о. кылымга таандык шаарлардын бири. Чуй өрөөнүнүн чыгыш тарабында жайгашып, Ал-Хорезми (9-к.) <abbr data-short="б-ча" data-full="боюнча" data-extended="true">боюнча</abbr> 44° кеңдик, 104° узундуктан орун алган. Тарыхчылардын көпчүлүгү (А. Н. <em>Бернштам,</em> Ө. <em>Караев, </em>Т. Д. <em>Жуманалиев,</em> В. Д. Горячева ж. б.) аны азыркы Орловка ш., В. В. <em>Бартолъд</em> ж. б. ЖелАргы (Жел-Арык), айрымдары Кызыл-Суу кышнын аймагы (А. Камышев) деп эсептешет. Жазма маалыматтарда (Согду документтери) биринчи жолу 711-ж. эскерилет. 737-ж. Н. түргөштөрдүн каганы Сулук Чабыш-чор (моюн сунбаганы үчүн арабдар аны «Абу Музахим» - «Сүзөөнөк» деп аташкан) турган ордо-шаар болгон. <em>Улуу Жибек жолунун</em> жээгинде жайгашкандыктан, Н. стратегиялык жактан маанилүү шаарлардын бири болуп эсептелген. 748-ж. кытай кол башчысы Ван Чжен-сян <em>Тургөш кагандыгынын</em> борбору <em>Суябды</em> талкалагандан кийин, Н. Батыш түрк (карлук) каганынын ставкасына айланган. Археол. казуулардын негизинде Н. ш-нын тургундары 8-10-к-да будда дини <abbr data-short="м-н" data-full="менен" data-extended="true">менен</abbr> катар несториан динин кабыл алышканы далилденген. Н. шаар калдыгын 20-к-дын 39- 40-ж. археологдор А. Н. Бернштам, 50-60-ж. П. Н. Кожемяко <abbr data-short="ж-а" data-full="жана" data-extended="true">жана</abbr> Л. Р. <em>Кызласов,</em> 80-90-ж. В. Д. Горячева ж. б. изилдеген. Археол. казуу учурунда түрдүү түстө боёлгон карапа <abbr data-short="ж-а" data-full="жана" data-extended="true">жана</abbr> айнек идиштин сыныктары, үй-тиричилигине керектүү шаймандар (бычак, кайчы ж. б.), асыл буюм (күмүш билерик, акак таштан жасалган шуру ж. б.), согуш буюмдары (жебе, окчонтой), түргөш <abbr data-short="ж-а" data-full="жана" data-extended="true">жана</abbr> Караханиддер дооруна таандык тыйындар табылган. Н. ш. болжол <abbr data-short="м-н" data-full="менен" data-extended="true">менен</abbr> 13-к-да жашоосун токтоткон, бирок шаар калдыгы кййин дагы көрүстөн катары пайдаланылган.</p>

[[Category:5-том,_501-600_бб]]