«МАШ БУУРЧАК» барагынын кодун көрүү

<p>
<strong data-text-type="type_1_article_title">МАШ БУУРЧАК </strong>(ГаЬа Ьопа) - чанактуулар тукумундагы бир жылдык өсүмдүк. Тамыры бутактанып өсүп, жерге терең (80-150 <em>см)</em> кирет. Сабагы түз, жылма, төрт кырдуу, көңдөй, бийикт. 100-150 <em>см,</em> түп жагы бутактанып өсөт. Жалбырагы ичке, канат сымал, татаал, үч жалбырактан турат. Гүлү майда, ак, кызгылт, чачы топ гүлгө чогулган. Мөмөсү - чанак (2-4 уруктуу), бир чанагында 7-9 даны болот. 1000 данынын орт. салмагы 30-50 <em>г.</em> М. б. өзү <abbr data-short="м-н" data-full="менен" data-extended="true">менен</abbr> өзү чандашат, айрым учурда кайчылаш чаңдашканы да байкалат. Нымдуу жерде жакшы өсөт. Гүлдөө <abbr data-short="ж-а" data-full="жана" data-extended="true">жана</abbr> чанак байлоо кезинде суудан өксүтүү түшүмдүн 30-40% ин азайтат. Вегетация мезгили 80-120 күнгө созулат. М. б. - байыркы өсүмдүктөрдүн бири. Жапайы түрү кездешпейт. Жер Ортолук деңиз жээктеринде, Африка, Афганстан, Индия, Америкада эгилет. КМШ өлкөлөрүнүн бардык жеринде (<abbr data-short="а. и." data-full="анын ичинде" data-extended="true">анын ичинде</abbr> <abbr data-short="Кырг-н" data-full="Кыргызстан" data-extended="true">Кыргызстан</abbr>да Пикулович I сорту) өстүрүлөт. М. б-тын ЮОдөй сорту белгилүү. Алар чарб. белгилери <abbr data-short="б-ча" data-full="боюнча" data-extended="true">боюнча</abbr> азыктык <abbr data-short="ж-а" data-full="жана" data-extended="true">жана</abbr> тоюттук М. б-ка бөлүнөт. Белок, углевод, витамин, малга жагымдуу амин <abbr data-short="к-та" data-full="кислота" data-extended="true">кислота</abbr>сы ж. б. заттарга бай. М. б-та протеин, кальций, фосфор, каротин бар. Негизги сорттору: Аушра, Күрөң, Уладов көгүлтүрү, Пикулович I. Зыянкечтери: буурчак данчысы, түймөкчү шиш тумшук, өсүмдүк бити ж. б-.-Илдеттери: аскохитоз, макроспороз, тамыр чириги, өсүмдүк даты, өсүмдүктүн вирус илдети, церкоспороз ж. б.</p>
<p>
<em>Г. Ф. Эшимкулова.</em>
</p>

[[Category:5-том,_301-400_бб]]