«ЛИВАДИЯ КЕЛИШИМИ (1879)» барагынын кодун көрүү

<p><strong data-text-type="type_1_article_title">ЛИВАДИЯ КЕЛИШИМИ (1879) - </strong>Иле аймагынын статусу тууралуу Россия <abbr data-short="м-н" data-full="менен" data-extended="true">менен</abbr> Кытайдын ортосундагы ратификацияланбай калган келишим (к. <em>Дунгандардын көтөрүлүшү, Дунган, калмак жана уйгур жер которуулары).</em> Л. к-не 1879-ж. 20-сентябрда Крымдагы Ливадия шаарчасында орус өкмөтүнүн тышкы иштер министри Н. К. Гирс <abbr data-short="м-н" data-full="менен" data-extended="true">менен</abbr> Цинь өкмөтүнүн элчиси Чун Хоу кол койгон. Ал <abbr data-short="б-ча" data-full="боюнча" data-extended="true">боюнча</abbr> жалпы аянты 1302,36 чарчы <em>милъ</em> келген Иле аймагын (390,7 чарчы <em>милъ</em> аянтты камтыган Текес суусунун батышы <abbr data-short="м-н" data-full="менен" data-extended="true">менен</abbr> Музарт ашуусунан тышкары) кайрадан Цинь империясынын кол алдына өткөрүп берүү макулдашылып, орус-кытай чек арасы Хоргос өзөнү, Ак-Бурташ тоосу аркылуу чектелген. Иртыш д-нын башы, Кашкар <abbr data-short="ж-а" data-full="жана" data-extended="true">жана</abbr> мурунку <em>Кокон хандыгынын</em> ортосундагы чек ара линиялары (азыркы <abbr data-short="Кырг-н" data-full="Кыргызстан" data-extended="true">Кыргызстан</abbr>дын аймагы) такталып, Россия Кулжа <abbr data-short="м-н" data-full="менен" data-extended="true">менен</abbr> Чугучактан (Чөйчөк) тышкары Кашкар, Урга, Цзя Юй-гуань (Сучжоу), Кобдо, Улясутай, Хами (Комул), Турпан, Үрүмчү <abbr data-short="ж-а" data-full="жана" data-extended="true">жана</abbr> Гучан ш-нда консулдук ачууга укук алган. 0. эле кеткен чыгымдар үчүн Цинь өкмөтү Россияга 5 <abbr data-short="млн" data-full="миллион" data-extended="true">миллион</abbr> сом төлөп берүүгө макул болгон. Атайын комиссия түзүлүп, чечим чыккандан кийин эки ай убакыт аралыгында Иле аймагын Кытайга толук өткөрүп берүү каралган. Бирок Цинь императору Л. к-не канааттанбагандыктан (к. <em>Петербург келишими),</em> Чун Хоуну өлүм жазасына тартууга буйрук берилген.</p><p>Ад.: Русско-китайские отношения 1689-1916. Официальные документы. М., 1958; <em>Моисеев В.А.</em> Россия и Китай в Центральной Азии (вторая половина XIX В.-1917 г.). Барнаул, 2003.</p>

[[Category:5-том,_50-100_бб]]