ЛАТЫН ИМПЕРИЯСЫ барагынын баштапкы кодун көрүү

<p><strong data-text-type="type_1_article_title">ЛАТЫН ИМПЕРИЯСЫ - </strong>кресттүүлөрдүн мамлекети (1204-61). 4-крест жортуулунун катышуучулары <em>Византия</em> аймагын басып алып негиздеген (к. <em>Кресттуулөр жортуулдары).</em> Ага Балкан ж. а., Кичи Азиянын түн.-батышы, Фессалоника королдугу, Ахей княздыгы, Афины герцогдугу, Эгей ж-а Ионика деңиздеринин аралдары кирип, борбору Константинополь ш. болгон. Бул жерлерди кресттүүлөрдүн башчылары, катардагы рыцарлар ж. б. бөлүп алышкан. Л. и-нын '/<sub>4</sub> бөлүгүн император ээлеген. Мамл. түзүлүшү феодалдык монархия болгон. Императордун бийлиги венециялык сеньорлор кеңеши м-н чектелген. Л. и-нда византиялык салык системасы сакталып калган. Саясий түзүлүшү «Романия ассиздери» м-н бекитилген. Башкаруу системасы феодалдык иерархия принцибинде түзүлгөн ж-а византиялык (грек) ак сөөктөргө өзгөчө укук берилип, менчиктин түрү сакталган. Грек дыйкандары жерге бекитилип, жаңы салык түрү - баналитет киргизилген. Соода ж-а ө. ж-га венециялыктар үстөмдүк кылып, грек кол өнөрчүлүгу төмөндөгөн. Л. и-нда грек ж-а латын мад-ты бири бирине жуурулуша албай, латын феодалдары м-н жерг. калктын ортосунда карама-каршылыктар пайда болгон. Латын феодалдарынын ортосундагы ички карама-каршылыктар, жерг. калктын кресттүүлөргө кастыгы, гректердин саясий-экон. ж-а диний жактан укуксуздугу, византиялык салык системасынын оор түрү Л. и-нын абалын начарлаткан. 1225-36-ж. болгар ж-а никей аскерлеринен талкаланган Л. и. Кичи Азия ж-а Балкандагы ээликтеринен ажыраган. 1261-ж. 25- июлда Никей империясынын Константинополду алышы м-н Л. и. кулаган.</p><p>Ад.: <em>Карпов</em> С. Латинская Романия. СПб., 2000.</p><p><em>А. Матанова.</em></p>[[Категория:5-том,_2-50_бб]]