«КЫРГЫЗ МУЗЫКАСЫНЫН АНТОЛОГИЯСЫ» барагынын кодун көрүү

<b type='title'>КЫРГЫЗ МУЗЫКАСЫНЫН АНТОЛОГИЯСЫ</b> – узак ойнолуучу грампластинкалар жыйынды&shy;сы; калктын музыкалык-адабий фольклорунун түрлөрү, багыттары жөнүндөгү туңгуч музыкалык мурас. 1974-жылы Кыргыз ССР Министрлер Советинин Телекөр&shy;сөтүү жана радиоуктуруу боюнча мамлекеттик комитети тара&shy;бынан Бүткүл союздук «Мелодия» фирмасы ар&shy;кылуу Ленинграддагы грампластинкалар заводу&shy;нан чыгарылган. Антология кыргыз, орус, анг&shy;лис тилиндеги түшүндүрмө китепчеден, 36 та&shy;бактан (пластинка) турат. Кыргыз музыка антолгиясын Б. Алагу&shy;шов, К. Камбаров, Т. Бөрүбаев, С. Мусаев, А. Ак&shy;маталиев жана башкалар түзгөн. Андагы 500дөн ашуун чыгарма төрт топко бөлүнгөн: 1) кыргыз күүлө&shy;рүнүн антологиясы. Мунун 14 табактан турган 1-бөлүмүндө элдик комуз күүлөрүнүн түрү, XVIII–XIX кылымдардагы комузчулардын күүлөрү бар (7 табак); 2) XIX кылымдан берки комуз, кыяк, ооз комуз күү&shy;лөрүн камтыйт (7 табак); 3) кыргыз эл дастан&shy;дарынын, терме жана айтыш ырларынын анто&shy;логиясы (7 табак). Мында «Манас» жомогунан 18 үзүндү, «Курманбек», «Кедейкан», «Жаныш- Байыш» дастандары, «Карагул ботом» кошок, дастандан тандалма үзүндүлөр, эскерме, айтыш, терме ырлардын үлгүлөрү бар; 4) кыргыз обон&shy;дорунун антологиясына эзелки эл ырларынан азыркы белгилүү обондорго чейин киргизилген (9 табак); ошол учурдагы Кыргыз музыка антолгиясына кыргыз композиторлорунун тандалма ырлары жана ро&shy;манстары, хорлору, аспаптык, опералык, балет&shy;тик жана симфониялык чыгармалары топтоштурулган (6 табак).
[[Категория:4-том, 737-822 бб]]