«КЫРГЫЗСТАН КИНЕМАТОГРАФИСТТЕР СОЮЗУ» барагынын кодун көрүү

<b type='title'>КЫРГЫЗСТАН КИНЕМАТОГРАФИСТТЕР СОЮЗУ – </b>ыктыярдуу коомдук чыгармачылык уюм. Адеп Советтик Социалисттик Республикалар Союзу (СССР) кинематографисттер союзунун карамагы&shy;на кирген. Ал кино искусствосун өнүктүрүүгө ак&shy;тивдүү катышкан кино ишмерлерин (режиссёр, киносценарист, драматург) жана сынчы, актёр, оператор, сүрөтчү, үн оператору, сценарий ре&shy;дактору, кино өндүрүшүн уюштуруучу, кинотехника боюнча атайын эмгектери бар кино инженерлерди жана башкаларды бириктирип турат. Кыргызстан кинематографисттер союзу 1962-жылы ок&shy;тябрь айында түзүлгөн. Анын негизги милде&shy;ти – жогорку көркөмдүктөгү кино чыгармала&shy;рынын жаралышына көмөк көрсөтүү. Союзда көркөм кино, кинодраматургия, киносын, ки&shy;ноактёрлор, чыгармачыл жаштар менен иш алып баруу, кино ышкыбоздору, даректүү кино, теле&shy;көрсөтүү, дубляж секциялары, Кино үйү иштейт. Союз чыгармачылык конференциялар, жаңы тасмаларга талкуу уюштурат. Союздун жогорку органы – 4–5 жылда бир чакырылуучу съезд. Съезд Союз&shy;дун Башкармасын шайлайт. Башкарма эки съезд аралыгында иш алып баруу үчүн секретариат&shy;ты дайындайт. Союздун Башкармасынын төра&shy;галары: Ч. Айтматов, Т. Океев, 2007-жылдан Т. Бапанов иштеген.
[[Категория:4-том, 737-822 бб]]