«КЫЗЫЛ-ОМПОЛ НОРДМАРКИТ КЕНИ» барагынын кодун көрүү

<b type='title'>КЫЗЫЛ-ОМПОЛ НОРДМАРКИ&#769;Т КЕНИ</b> Ысык-Көл обл-нун Тоң р-нунда, Көк-Мойнок кыш-нан 26 <i>км</i> түш.-батыш тарапта, Кызыл-Омпол тоо&shy;сунда. 1966-жылдан белгилүү. Кен аймагында таш көмүр, пермь мезгилдеринде пайда болгон кызыл-омпол сиенит массиви жатат. Нордмар&shy;кит массивдин бир фазасында пайда болгон. Өңү бозомук, көгүлтүр, кызгылт болуп, анортоклаз, биотит, роговая обманка ж. б. минералдан ту&shy;рат. Бул минералдардын ичинен анортоклаздын кристаллдары башкаларга караганда бир нече эсе чоңдук кылып, нордмаркиттин порфир сыяктанган негизги түзүлүшүн пайда кылат.<br>
Уз. 25 <i>см,</i> туурасы 5–10 <i>см</i>ге жетип, жылмалагандан кийин кубулжуп, өтө кооз көрүнөт. Нордмаркит Кызыл-Омпол сиенит массивинин негизги бөлүгүн түзүп, узун-туурасы бир нече <i>км</i>ге жеткен аймакты ээлейт. Имараттардын ички, тышкы дубалын, таманын кооздоп каптоого жарамдуу.
[[Категория:4-том, 657-736 бб]]