«КХМЕРЛЕР» барагынын кодун көрүү

<b type='title'>КХМЕРЛЕР</b> (өздөрүн к х м е р же к х м а э деп аташат) – эл, Камбожанын негизги калкы. Саны 13,4 млн киши (2008). Түндүк жана Түштүк-Чыгыш Таиландда (1,4 млн), Түштүк Вьетнамда (1,2 млн) жана Лаосто (5 миң), ошондой эле Америка  Кошмо Штаттарында (189,5 миң) да жашашат. Кхмер тилинде сүйлөшөт. Дини – буддизм. Кхмер эли биздин замандын башында көп сандаган кхмер урууларынын индонезиялык уруулар менен аралашуусунан, коңшу өлкөлөрдүн (айрыкча Индия) маданиятынын таасиринде калыптанган. 

[[File:КХМЕРЛЕР19.png | thumb | Салттуу кхмер бийи. Ангкор.]]Бирок тоолук кхмерлер бул процесске дуушар болгон эмес. Кхмерлер. түштүк монголоиддерге кирет, бирок аларда ведд-австралоиддик белгилер да бар. Кхмерлерде уруу топтору аял жагынан болгон туугандыкка не&shy;гизделип түзүлгөн, байыркы уруу коомунун сар&shy;кындылары сакталып калган. Үй-бүлөдө аял&shy;дар үстөмдүк кылат. Кхмерлер дыйканчылык, мал чар&shy;бачылык менен кесиптенишип, каркастуу, сваялуу үйлөрдө жашашкан. Салттык кийими саронг деп аталат. Кхмерлер. (аял, эркек) чачтарын кыска кырктырышат. Тамак-ашы – негизинен күрүч, балык, майрам күндөрү эт, ошондой эле таш бака, чегиртке, бака.
[[Категория:4-том, 657-736 бб]]