«КОРЯК АВТОНОМИЯ ОБЛУСУ» барагынын кодун көрүү

<b type='title'>КОРЯ&#769;К АВТОНО&#769;МИЯ ОБЛУСУ</b> Россиянын субъектиси, Камчатка крайынын курамында. Камчатка жарым аралынын түндүгү м-н ага чектеш жат&shy;кан материктин бөлүгүнөн ж-а Карага аралынан орун алган. Батышын Охота, чыгышын Беринг де&shy;ңиздери чулгайт. Аянты 301,5 миң <i>км</i><sup>2</sup>. Калкы 27,9 миң (2003). Административдик-аймактык жактан 4 районго, 2 шаарчага бөлүнөт. Борбору – Палана шаарчасы. Ыраакы Чыгыш федерация округуна кирет. Мамлекеттик бийликтин органдар системасы 1997-жылы кабыл алынган Коряк Автономия округунун уставы (негизги мыйзам) м-н аныкталат. Мамлекеттик бий&shy;ликти округдун думасы аткарат.<br>Калкынын негизин орустар (62%), коряктар (16,4), украиндер (7,2) түзөт, ошондой эле чукча (3,6), ительмендер (3) да жашайт. Орустар правосла&shy;вие, коряктар салт болуп калган динин тутат; протестанттар да бар. Орточо жыштыгы 1 <i>км</i><sup>2 </sup>жерге 0,9 киши. Шаар калкы 28%.

Табияты аймагынын көпчүлүк бөлүгүндө калктын жашоосуна жагымсыз. Экологиялык абалы канааттандырарлык. Суулары балыкка ж-а де&shy;ңиз жаныбарларына бай. Камчатка крабынын запасы уникалдуу промыселдик мааниге ээ. Таш көмүрдүн 2 кени иштетилүүдө. Платина, алтын ж-а күмүш казылып алынат.<br>Региондук дүң продукциясынын көлөмү 3364,8 млн рубль. Андагы өнөр жайдын үлүшү 72%, айыл чарбаныкы 1,1%. Маанилүү өнөр жай тармагы – та&shy;мак-аш (балык кармалып, беленделет; ири иш&shy;каналары: «Корякрыба» ЖАК, Усть-Хайрюзов балык консерва заводу), түстүү металлургия («Ко&shy;рякгеолдобыча»). Айыл чарбага жарактуу жери 26,6 миң <i>га</i> (жер фон&shy;дунун 1%тен азыраагы), анын ичинде 8%и айдоо аян&shy;ты. Жылыткычтарда өстүрүлгөн жашылчачы&shy;лык, ошондой эле аңчылык промысели өнүккөн. Бугу асыралат.<br>Автомобиль жолунун узундугу 68 <i>км</i>. Пенжина дарыясында кеме жүрөт. Округда жалпы билим берүүчү 29 мекеме, 2 башталгыч ж-а орто окуу жайлары, музей бар. Бий ж-а фольклор ансамбли иштейт.

Ад.: Корякская автономная область// Россия. М., 2004.
[[Категория:4-том,_453-496_бб]]