«КОНЧАЛОВСКИЙ Андрей Сергеевич» барагынын кодун көрүү

<b type='title'>КОНЧАЛО&#769;ВСКИЙ</b> (Михалков-Кончаловский) '''Андрей Сергеевич''' (20. 8. 1937-жылы туулган, Москва) – орус режиссёру, сценарийчи, продюссер, публицист, РСФСРдин эл артисти (1980). С. В. <i>Михалковдун</i> уулу, П. П. Кончаловскийдин небереси, В. И. <i>Суриковдун</i> чөбөрөсү. 1957–1959-жылдары Москва консерваториясында фортепиано классында окуган, 1965-жылы Бүткүл россиялык мамлекеттик кинематография институтунун (ВГИК) режиссёрдук факультетин бүткөн. Биринчи толук метраждуу режиссёрдук иши – Ч. Айтматовдун «Биринчи мугалим» повестинин мотиви боюнча тартылган толук мет&shy;раждуу «Биринчи мугалим» тасмасы болгон. Айыл турмушунун лирикалык драмасы жөнүндө «синема-верите» стилинде, ролдордун көпчүлүгүн кесипкөй эмес артисттер аткарган «Сүйүп калып турмушка чыкпаган Ася Клачинанын тарыхы» (1967, экранга 1987-жылы чыккан, эл аралык кино фестивалынын (ЭКФ) сыйлыгы, Батыш Берлин, 1988; РСФСРдин мамлекеттик сыйлыгы, 1990) тасмасын тарткан. Орус классикасын эк&shy;рандаштырууда И. С. Тургеневдин романынын мотиви боюнча тартылган «Ак сөөктөр уясы» (1969) жана А. П. Чеховдун пьесасы боюнча «Ваня байке» (1971) тасмалары курч талаш-тартыштар жараткан. «Сүйүшкөндөр романсы» (1974), «Сиби&shy;риада» (1979, 4 сериялуу) тасмалары эл аралык сыйлыктарга татыган. 1980-жылдарда чет мамлекеттерде жашап, Голливудда иштеген. Ошол жылдары «Мариянын ойноштору» (1984), «Поезд-качкын» (1985), «Уялчаак адамдар» (1987), «Гомер жана Эдди» (1989) тасмаларын тарткан. 1990-жыл&shy;дардын башында Кончаловский Россияга кайтып келген&shy;ден кийин «Жакынкы чөйрө» (1992, Америка Кошмо Штаттары жана Италия менен бирге), «Чаар тоок» (1994, Фран&shy;ция менен бирге), «Акмактар үйү» (2002, Фран&shy;ция менен бирге, Венеция, эл аралык кино фестивалынын (ЭКФ) башкы сыйлыгы), «Жалтырак» (2007) тасмаларын жараткан. Өзүнүн көпчүлүк жана башка режиссёрлордун тасмаларынын сценарийлерине автор жана авторлош (Андрей А. Тарковский – «Ивановдун бала чагы», 1962; «Андрей Рублёв», 1966, экранга 1971-жылы чыккан; Ш. Айманов – «Атамандын ажалы», 1971, Казак ССРинин мамлекеттик сыйлыгы, 1972; Н. С. Михалков – «Сүйүүнүн кулу», 1976 жана башкалар). «Ивановдун бала чагы», «Жиндилер со&shy;ту», «Мен жыйырмадамын» («Ильичтин заста&shy;васы») тасмаларына тартылган. Ошондой эле «Бала жана көгүчкөн» (1962, кыска метраждуу, Е. К. Осташенко менен бирге, Венециядагы бал&shy;дардын жана өспүрүмдөрдүн эл аралык кино фестивалынын (ЭКФ) сыйлыгы), «Сынган алча чырпыгы» (1982, Франция), «Солист&shy;ка үчүн дуэт» (1986, Америка Кошмо Штаттары, «Гейдар Алиев» (2005, даректүү) тасмаларын  тарткан. Кончаловский опера жана драма спектаклдеринин да режиссёр-коюучусу.



[[File:КОНЧАЛОВСКИЙ 122.png | thumb | «Ак сөөктөр уясы» тасмасынан кадр . 1969.
]]

Ад.: <i>Богомолов Ю.</i> А. Михалков-Кончаловский. М., 1990.
[[Категория:4-том,_403-452_бб]]