«КОНОК (мейман)» барагынын кодун көрүү

<b type='title'>КОНОК</b> , к. <i>Мейман.</i> 






'''КОНОК'''

'''KOHOK''' (Panicum italicum) – дан өсүмдүктөр тукумундагы бир жылдык чөп өсүмдүк. Эгилме ж-а жапайы түрү бар. Сабагынын узундугу 50–100 <i>см</i>. Шыпыргы сымал (машакка окшош) топ гүлдүү, чачы тамырлуу. Машагынын кыска, жумшак кылкандары бар. Даны эллипс формасында, таруунукунан майдараак (100 данынын салмагы 1,5–3,5 <i>г</i>), саргыч, кызгылт. Кургакчылыкка чыдам&shy;дуу, жылуу, кумдак, айрыкча кара топурактуу жерде жакшы өсөт. Жапайы түрү Азия өлкөлөрүндө, эгилмеси КМШ өлкөлөрүндө – Украина, Түндүк Кавказ, Молдова, Казакстан, Батыш Сибирь, Борбордук Азияда өстүрүлөт. Морфологиялык ж-а биологиялык өзгөчөлүктөрүнө карата кайрак жерде өсүүчү н а к т а конок (тез бышат, кургакчылыкка чыдамдуу, анча бийик эмес) ж-а сугат өрөөндө өсүүчү и т конок (кеч бышат, бийик өсөт) болуп айырмаланат. Конок тамак-ашка ж-а тоют катары пайдаланылат. Гүлдөгөнгө чейин чабылган көк бакалы аш болумдуу тоют, 100 <i>кг</i>ында 17 тоют бирдиги, 1,8 <i>кг</i> сиңимдүү протеин, 7 <i>г</i> каротин болот. Гектарынан 100–250 <i>ц</i> көк бакал, 25–65 <i>ц</i> дан алынат. Даны тартылып, малга жем болот. Илдеттери: кара көсөө, жалбырак чүрүшү ж. б.
[[Категория:4-том,_403-452_бб]]