«КОЗУ КУЛАК КИСЛОТАСЫ» барагынын кодун көрүү

<b type='title'>КОЗУ КУЛАК КИСЛОТАСЫ</b>, НООС–СООН – эки  негиздүү каныккан карбон кислоталардын эң жөнөкөй өкүлү. Түссүз кристаллдар; молекулалык  сал&shy;магы 90,036; балкып  эрүү t 189,5°С; сууда ж-а органикалык эриткичтерде начар эрийт. Козу  кулак  кислотасы – күчтүү органикалык  кислота ж-а калыбына келтиргич. Анын тузда&shy;ры көп сандаган өсүмдүктүн курамында кезде&shy;шет. Айрыкча козу кулакта ж-а ышкында көп. Козу  кулак  кислотасы  – күчтүү калыбына келтиргич. Кычкыл ж-а орто эфирлерди, амиддерди жана  башка туундулар&shy;ды пайда кылат. Кумурска кислотаcынын туздарын жогорку температурада ысытканда, козу  кулак  кислотанын туз&shy;дары пайда болот. Өнөр жайда  көмүртек кош окси&shy;ди м-н суутектен алынат. Козу кулак  кислотасы  ж-а анын туздары металлдардын бетин жылмалоодо, чыт кездемесин чыгарууда ж-а боёодо, булгаары өндүрүүдө, <i>анализдик химияда</i> Ca, Th, Pt ж. б. металлдардын иондорун бөлүп алууда колдо&shy;нулат.
[[Категория:4-том, 307-352 бб]]