«КОЗУБЕКОВА» барагынын кодун көрүү

<b type='title'>КОЗУБЕКОВА</b> '''Мейликан''' (16. 10. 1932, Талас району, Түлкү-Төбө айылы – 9. 5. 1974, Фрунзе) – комузчу, солист, Кыргыз ССРинин эмгек сиңирген артисти (1967). 12 жашынан комуз черткен. 
[[File:КОЗУБЕКОВА45.png | thumb | none]]1955-жылы Та&shy;лас районунун өздүк көркөм чыг&shy;армачылыгынын республикалык кароосуна катышып, биринчиликке жетишкен. 15 жашында Кыргыз мамлекеттик филармония&shy;сына солист болуп кабыл алынган. Залкар өнөрпоз&shy;дор Эркесары, А. Огомбаев, А. Үсөнбаев, К. Орозов, Ш. Шеркулов, Ы. Туманов&shy;дон таалим алган. 1957-жылы  Москвада өткөн жаштар&shy;дын жана студенттердин Бүткүл дүйнөлүк 2-фес&shy;тивалына катышып, лауреаттык наамга жана ал&shy;тын медалга татыган. 1958-жылы Москвада өткөн Кыргыз искусствосу менен адабиятынын он күндүгүнө ка&shy;тышкан. 1962–1967-жылдары В. Маяковский атындагы кыз-&shy;келиндер педагогикалык институтунун музыка кафедрасында иштеген. Анын аткаруусунда «Чайкама», «Маш ботой», «Кара өзгөй» күүлөрү айрыкча чет өл&shy;көлүк угуучулар тарабынан жогору бааланган.<br>Козубекова – «Эрке кыз», «Бакыт» деген күүлөрдү чы&shy;гарган. Польша, Моңголия, Венгрия, Германия Демократиялык Республикасында, Бельгия, Кытай, Алжир, Си&shy;рияда жана СССРдин шаарларында гастролдо бол&shy;гон. «Ардак Белгиси» ордени жана медалдар менен сыйланган. 1992-жылы Таластын А. Огомбаев айы&shy;лындагы мектепке анын ысмы берилип, музейи ачылган.
[[Категория:4-том, 307-352 бб]]