«КИСЛОТА-НЕГИЗДИК ТИТРЛӨӨ» барагынын кодун көрүү

<b type='title'>КИСЛОТА&#769;-НЕГИЗДИК ТИТРЛӨӨ</b> – сууда эрүүчү кислоталарды ж-а негиздерди күчтүү кислотанын, күчтүү негиздин стандарттык эритмеси м-н титрлеп аныктоо ыкмасы. Титриметрияда колдонулуу&shy;чу реактивдин белгилүү концентрациясындагы эрит&shy;меси титрленген эритме, жумушчу эритме, стан&shy;дарттык эритме же титрант деп аталат. Тит&shy;рант катары негизинен күчтүү кислоталардын ж-а щелочтордун (КОН, NаОН) эритмелери колдо&shy;нулат. Титрлөө учурунда аныкталуучу заттын эритмеси м-н титранттын өз ара толук реакцияга кирген учуру эквиваленттик чекит деп аталат. Эквиваленттик чекит кислота-негиздик инди&shy;каторлордун бир аз эритмесин аныкталуучу зат&shy;тын эритмесине кошуп титрлөө аркылуу анык&shy;талат. Титрлөө аяктаганда индикатордун алгач&shy;кы түсү өзгөрүлөт. Бул учур титрлөөнүн акыр&shy;кы чекити деп аталат. Титрлөөнүн акыркы чекити м-н эквиваленттик чекиттин дал же жа&shy;кын келиши титриметриялык анализде эң чоң мааниге ээ. Себеби, аныкталуучу заттын саны титранттын эквиваленттик чекитке чейинки сарпталган көлөмү аркылуу табылат. Ошондук&shy;тан титрлөөнүн акыркы чекити м-н эквивалент&shy;тик чекиттин айырмасын азайтуу максатында тиешелүү индикаторлорду ж-а шарттарды тан&shy;доо титриметриялык анализдин эң негизги та&shy;лаптарынан болуп саналат. Эквиваленттик че&shy;китти физикалык-химиялык методдорду (потенциометрия, кондуктометрия, фотометрия ж. б.) колдонуу м-н да аныктайт.
[[Категория:4-том, 257-306 бб]]