«КЕФИР» барагынын кодун көрүү

[[Файл:Кеф.jpg|thumb|258x258px]]
<b type='title'>КЕФИ&#769;Р</b> –  сүттөн уютулган кычкыл азык. Ынак же көк <i>сүттөн</i> даярдалат. Сүт 85–87°С температу&shy;рада 5–10 <i>мин</i> же 90–92°Сде 2–3 <i>мин</i> пастерле&shy;нип, 19–23°Сге чейин суутулат. Ага түрдүү сүт кычкыл микроорганизмдеринен турган 3–5% ке&shy;фир уюткусун куюп, аралаштырат. Уюган кил&shy;килдек продукт 8–10°С температурада түрдүү убакыт&shy;ка кармалат. Ага жараша начар (1 күндүк), орто (2 күндүк) жана өтө ачыган (3 күндүк), кычкыл&shy;дуулугу ар башка (80–120°Т) кефир алынат. Өтө ачы&shy;ган кефирде сүт кислотасы, спирт, көмүр кычкыл газ көбүрөөк, белоктун ажыроо продуктулары азыраак болот. Сүт заводдору майлуу (майлуулугу 2,5; 3,2 жана 6%), С витаминдүү, мөмө-жемиш ширелүү жана майы аз (0,5%) кефир чыгарат. Кефир кө&shy;бүнчө чоң идиште ачытылып, даяр продукт бөтөлкөгө же полимер капталган кагаз жана по&shy;лиэтилен пакеттерге куюлат. Сүткө караганда кефир сиңимдүү жана мүнөздөп тамактанууда пайда&shy;ланылат. Өтө ачыган кефир ичти катырат, начар ачыганы ичти алдырат. Кефирди 0°Сден жогору эмес температурада 3 суткага чейин сактоого болот.
[[Файл:Кефир.jpg|center|thumb|290x290px]]
[[Категория:4-том, 257-306 бб]]