«КАРА-КӨЛ (» барагынын кодун көрүү

<b type='title'>КАРА-КӨЛ</b> – Жалал-Абад облусундагы шаар. Об&shy;лустун борбору Жалал-Абад шаарынан 175 <i>км</i> түндүк-батыш тарапта. Таш-Көмүр темир жол бекети&shy;нен 78 <i>км</i>. 1962-жылы Токтогул ГЭСин куруучулар&shy;дын шаарчасы катары негизделген. Шаар ста&shy;тусун 1977-жылы 17-январда алган. Нарын дарыясынын сол өйүзүндө, Бишкек – Ош автомобиль жолу&shy;нун жээгинде жайгашкан. Калкы 27,2 миң (2022); негизинен кыргыз (80%), орус (10%), өз&shy;бек, татар, азербайжан, казак, армян, украин, ошондой эле башка улут өкүлдөрү да жашайт.<br>Азыркы шаар жайгашкан жер Ж а з ы-К е&shy; ч ү ү деп аталган. Малга жайлуу болгондуктан, жергиликтүү эл негизинен мал чарбачылык м-н тиричилик кылган. Айрым жерлерге жүгөрү, та&shy;руу, шалы эгишкен. Совет бийлиги орногондон кийин колхоздоштуруу башталып, эки колхоз (Фрунзе ж-а Молотов) түзүлгөн. 50-жылдаары эл чарба&shy;сын өнүктүрүү үчүн пахта өстүрүү колго алын&shy;ган. Жазы-Кечүү кыштагынын калкы Ноокен районуна көчүрүлгөн. 1960-жылы Токтогул ГЭСинин курулу&shy;шу башталган. 1962-жылдан баштап, турак-&shy;жайлар курулуп, мектеп, үй жылытуучу буу казаны, тамактануу жайлары, медициналык мекемелер, мончо, байланыш бөлүмү ишке кирген. Кийин&shy;ки жылы жалпы аянты 25 миң <i>м</i><sup>2 </sup>болгон ту&shy;рак-жайлар, турмуш-тиричилик комбинаты, бала бакча, бейтапкана ж. б. бүткөрүлгөн.<br>Учурда Кара-Көл шаарында Токтогул ГЭСинин кеңсе&shy;си, «Достук заводу», «Нарынгидроэнергиякуру&shy;луш» (3000дей киши), «Гидромонтаж», «Аэро&shy;дромкурулуш» ж. б. 12 АК иштейт. Түркиянын «Суусамыр–Интер», «Энтес», Ирандын «Кейсон», «Ирдопаз» жол реконструкциялоочу фирмала&shy;ры м-н кызматташууда. «Кыргызгидроатайын&shy;курулуш» АК Камбар-Ата, Таш-Көмүр, Шамал&shy;ды-Сай ГЭСтеринде ж-а Өзбекстанда Резаккам&shy;чик ашуусундагы туннелде, ал эми «Гидромон&shy;таж» АК Үч-Коргон, Таш-Көмүр, Камбар-Ата, Ат-Башы ГЭСтеринде курулуш-монтаждоо иш&shy;терин аткарган. Рыноктук экономиканын шар&shy;тына өтүүдө бир топ реформалык иштер жүргү&shy;зүлүп, натыйжада шаарда 4 кичи ишкана, 1 коо&shy;перация,  117  жеке ишкер, 2 менчик ж-а 11 жоопкерчилиги чектелген дүкөн ишке киргизил&shy;ген. «Ротор» кичи ишканасы 1996-жылы түзүлгөн, ал бөтөлкөлөр үчүн капкактарды чыгарат. «Нур&shy;лан-Алко» ЖЧК алкоголдуу ичимдик чыгарат. «Кыргызтелеком» АКтын шаар ж-а эл аралык кварцтык телефон байланыш пункту (1999), базар (2000) пайдаланууга берилген. Шаар Биш&shy;кек – Ош автомобиль жолунун боюнда жайгаш&shy;кандыктан, Кыргызстандын бардык аймактары м-н үзгүлтүксүз байланышта. Шаарда 6 орто, 2 не&shy;гизги,  спорт ж-а музыкалык мектеп, балдардын чы&shy;гармачыл үйү, 2 китепкана, 3 бала бакча, ошондой эле ЖАМУнун Кара-Көл инженердик факультети (1962-жылы ФПИнин даярдоо бөлүмү катары ачылып, 1963-жыл&shy;дан техникалык факультети), кесиптик-техникалык окуу жайы, «Ка&shy;йыңды» эс алуу лагери (600–800 бала), «Энерге&shy;тик» спорт комплекси (200 орундуу), маданият үйү бар. Оорукана, 4 үй-бүлөлүк врачтар тобу, 2 төрөт үйү ж-а ФАП иштейт.
[[Категория:4-том, 101-153 бб]]