«КАРА-КОЮН ӨРӨӨНҮ» барагынын кодун көрүү

<b type='title'>КАРА-КОЮН ӨРӨӨНҮ – </b>Ички Теңир-Тоодогу
Ат-Башы өрөөнүнүн батыш бөлүгү. Ат-Башы районунун аймагында. Түндүгү Кум-Бел ж-а Ой&shy;нок-Жар адырлары, чыгышы Ат-Башы кырка тоосу м-н чектешет. Батышы Арпанын Ала-Тоо&shy;сунун айрыгындагы Беш-Талаа түздүгүнө өтөт. Чыгышта Чеч-Дөбөдө Ат-Башы суусунун өрөө&shy;нүнө кошулат. Узундугу 65–70 <i>км</i>, туурасы чыгышта 10–12 <i>км</i>, батышта 4–5 <i>км</i>, бийик жери 2800– 3000 <i>м</i> (батыш жагы), жапыз жери 2100–2200 <i>м</i> (чыгышы). Аллювий-пролювий шилендилери&shy;нен түзүлгөн түздүк. Өрөөн аркылуу <i>Кара-Коюн</i> суусу түштүктөн түндүк-чыгышка карай агат; 5–7 тектири бар. Климаты кургак, континенттик. Июлдун орточо температурасы 10–15°С, айрым жыл&shy;дары 22–33°С, январдыкы –7°Сден –12°Сге, кээ&shy;де –20°Сден –30°Сге чейин. Жылдык жаан ча&shy;чыны 300–350 <i>мм</i>. Топурагы бозомук ж-а күрөң, тоо бетинде каралжын. Ландшафты чыгышын&shy;да саздуу түздүк, түндүгү жантайма шлейфтүү кургак талаа, батышы субальпка жакын тулаң&shy;дуу түздүк, түштүгү тектирлүү талаа. Өсүмдүк&shy;төрдөн доңуз сырты, бетеге, шыбак, тарак баш, шыраалжын, кара кыяк ж. б. басымдуу. Өрөөн аркылуу Бишкек–Торугарт автомобиль жолу өтөт. Казыбек, Кара-Суу, Кара-Булуң, Дыйкан, Кызыл-Туу кыштактары жайгашкан. 
[[Категория:4-том, 101-153 бб]]