«КАРАСАЕВ» барагынын кодун көрүү

<b type='title'>КАРАСАЕВ</b> '''Хусеин''' (5. 1. 1901, Ысык-Көл облусу, Түп району, Кең-Суу айылы – 31. 1. 1998, Кара&shy;кол) – тилчи-лексикограф, алгачкы агартуучу&shy;лардын жана Кыргызстанда сөздүк түзүүгө негиз салуу&shy;чуларынын бири, педагог, котормочу, публицист, профессор (1966), КР УИАнын ардактуу академиги (1992), КРдин К. Тыныстанов атындагы илим жана техника жаатын&shy;дагы мамлекеттик сыйлыгынын лауреаты (1993). Караколдогу орус&shy;-тузем мектебинен билим алган (1914–16). 1923-жылы

[[File:КАРАСАЕВ34.png | thumb | none]]
Ташкенттеги Кыргыз-казак агартуу институтунда окуп жүр&shy;гөндө И. Арабаев, К. Тыныстанов менен бирге кыр&shy;гыздын алгачкы гезити «Эркин-Тоону» чыга&shy;рууга (1924) катышкан. Ленин атындагы Орто Азия мамлекеттик университетинин жумушчу факультетинде кыргыз тили мугалими (1925–26), Ленинграддагы А. Енукид&shy;зе атындагы Чыгыш институтун бүтүрүп (1931), ошол институтта, кийин Москвадагы М. Ломоносов атындагы  университетинин  чыгыш факультетинде кыргыз жана түрк тил&shy;дери мугалими (1949–50), Кыргыз маданий ку&shy;рулуш илим изилдөө институтунда, тил, адабият жана та&shy;рых илим изилдөө институтунда улук илимий кызматкер (1931–40; 1941–55), СССР ЭКСте редактор (1940–41), КМУда (азыр КУУ) окутуучу (1951–74) болуп эм&shy;гектенген. 1924-жылы араб графикасынын неги&shy;зинде кыргыз алфавитин түзүүгө катышкан. Ал эми 1927-жылы К. Тыныстанов менен бирге латын тамгасынын негизиндеги жаңы алфавиттин дол&shy;боорун түзүп, Самарканддагы кеңешмеге катыш&shy;кан. Натыйжада, «Сабат ачкыч» алиппени (1927), И. Арабаев менен бирдикте жаңы латын алфавитинин негизинде «Жаңылык» аттуу окуу китебин жазып, 1928-жылы басмадан чыгарган. Бул алиппе китеби кыргыз эли латын тамга&shy;сын кабыл алган кезде, жаңы тамга менен бирин&shy;чи басылып чыккан эң мыкты окуу куралы бо&shy;луп, сабатсыздыкты жоюуга зор кызмат кыл&shy;ган. Анын лексикографиялык багыттагы изилдөөлөрү үч аспектиге бөлүнөт: 1) орфографиялык сөздүктөр; 2) кош тилдүү котормо сөздүктөр; 3) лингвисти&shy;калык-этимологиялык сөздүктөр. Ал Тыныстанов менен бирге тил терминдеринин cөздүгүн, алгачкы «Орусча-кыргызча сөздүктү» (1938, И. Батманов
менен бирге), «Орусча-кыргызча сөздүктү» (1944, К. Юдахин, Ж. Шүкүров менен бирге) түзгөн. 1956-ж. Ю. Яншансин менен «Орфографиялык сөз&shy;дүктү» түзүп, кийин бул сөздүктү өзү толуктап, 60 миң сөздөн турган «Кыргыз тилинин орфо&shy;графиялык сөздүгүн» (1966), кийин 1970–80-жылдарда «Түгөйлүү сөздөр» (1971), эки томдон турган «Накыл сөздөр» (1982; 1987), «Өздөштүрүлгөн сөздөр» (1989), «Камус наме» (1992) аттуу сөздүк&shy; китептерди чыгарган. «Манас», «Семетей» эпос&shy;торун кагаз бетине түшүрүүгө да салым кошкон. Эмгек Кызыл Туу ордени жана медаль менен сый&shy;ланган. Каракол шаарында эстелиги коюлуп, К. Тыныстанов атындагы Ысык-Көл мамлекеттик университетинде му&shy;зейи ачылган жана БГУга ысмы берилген (1993).
[[Категория:4-том, 101-153 бб]]