«КАПКА КАПЧЫГАЙЫ» барагынын кодун көрүү

<b type='title'>КАПКА КАПЧЫГАЙЫ</b> – Талас өрөөнүнүн түн&shy;дүгүндөгү Эчкили-Тоону туурасынан кесип өткөн антецеденттик капчыгай. Кара-Буура ж-а Ма&shy;нас райондорунун аймагында. Түштүк-чыгыштан түндүк- батышты карай жарыш жаткан Чоң Капка (узундугу 2–3 <i>км</i>, жазылыгы 200 <i>м</i>ге чейин) ж-а Кичи Капка (узундугу 0,8–1,0 <i>км</i>, жазылыгы 250 <i>м</i>ге че&shy;йин) деген эки капчыгайдан турат. Таманынын деңиз деңгээлинен бийиктиги 900–950 <i>м</i>. Рельефи зоока&shy;луу. Капчыгай протерозойдун сланец, кумдук, чопо тектеринен түзүлгөн. Таманы, этектери ж-а капталдары неогендин шагыл, кум, чопо&shy;лорунан турат. Климаты континенттик. Январ&shy;дын орточо температурасы –8,0°С, июлдуку 21,3°С. Жылдык орточо жаан-чачыны 160–170 <i>мм</i>. Чоң Капка аркылуу Талас суусу агып өтөт. Чоң Кап&shy;ка тосулуп, Кара-Буура суу сактагычы курул&shy;ган. Ал калктын эс алуу жайына айланган.<br>Кичи Капкадан Бишкек–Талас автомобиль жолу өтөт. Капчыгайдын аймагына жарым чөл ж-а кургак талаа ландшафттары мүнөздүү. Таманы шалбаалуу саздак топурактуу. Шыбак, ак кыл&shy;кан, кара кыяк, чий, эрмен, эфемерлер өсөт. Та&shy;лас суусунун боюнда терек, бадалдуу токой бар.
[[Категория:4-том, 51-100 бб]]