«ИСТАМБЕКОВ Аден» барагынын кодун көрүү

<b type='title'>ИСТАМБЕКОВ</b> Аден Бекембаевич [03. 07. 1903, [[Россия империясы]], Түркстан генерал-губернаторлугу, [[ЖЕТИ-СУУ ОБЛУСУ|Жети-Суу облусу]], [[Пржевальск]] уезди, [[ИЧКЕ-ЖЕРГЕЗ|Ичке-Жергез]] кыштагы (азыркы [[Ысык-Көл облусу]], [[АК-СУУ РАЙОНУ|Ак-Суу району]]) – 09. 01. 1939, [[СССР]], [[КЫРГЫЗ РЕСПУБЛИКАСЫ (КР)|Кыргыз ССРи]], [[БИШКЕК|Фрунзе шаары]]] – аскердик жана коомдук иш&shy;мер, подполковник, респ&shy;убликанын алгачкы аскер комис&shy;сары.

[[File:ИСТАМБЕКОВ94.png | thumb | none]]
Ата-энеси менен бирге 1906–1913-жылдарда Иркутскиде сүргүндө жүргөндө атасы Бекембай оорудан кайтыш болуп (1911), энеси Үмүт уулу Аденди ээрчитип алып, эки жылда [[Ысык-Көл]]гө кайтып келишкен. Алгач диний мектептен сабатын ачкан жана 1916-жылы [[Үркүн]]дө [[КЫТАЙ Эл Республикасы|Кытай]]га барып, 1917-жылы кайра келген. 1918–1921-жылдары [[КАРАКОЛ (Ысык-Көл облусундагы шаар)|Каракол]]догу башталгыч мектепти аяктагандан кийин [[Ташкент]] шаарындагы аскер окуу жайындагы командирлерди даярдоочу атайын курсун (1922), [[Москва]]дагы аскер педагогикалык жогорку мектебин (1927), САГУнун тарых факультетин, [[Ленинград|Ле&shy;нинград]]дагы аскер тактика&shy;сын окутуучуларынын кур&shy;сун, Москвадагы В. И. [[Ленин|Ле&shy;нин]] атындагы саясий академия&shy;ны (1937) бүтүргөн.  1922–19824-жылдарда 813- (өзгөчө) ротанын  коман&shy;диринин  жардамчысы,  командири, 1924–1931-жылдарда  Ташкенттеги В. И. Ленин атындагы жогорку аскер мектебинде взводдун командири, инструктор, со&shy;гуш тактикасын үйрөтүү боюнча окутуучу, окуу бөлүмүнүн башчысынын жардамчысы, партком&shy;дун жооптуу секретары, 1931–1932-жылдарда Орто Азия ас&shy;кер округунун атчандар мектебинде окуу бөлү&shy;мүнүн начальнигинин жардамчысы, 1932–1933-жылдарда парткомдун жооптуу секретары, 1933–1936-жылдарда ка&shy;зак атчандар полкунун командиринин саясий иштер боюнча жардамчысы, 1936–1937-жылдарда 53-кыргыз атчандар полкунун аскер комиссары, 1936–1937-жылдарда [[Фергана]] тоо атчандар дивизиясынын саясий бөлүмүнүн башчысы, 1937-жылдын март айы&shy;нан полктун командири болуп иштеген. [[КЫРГЫЗСТАН КОММУНИСТТИК ПАРТИЯСЫ (ККП)|Кыргызстан КП]](б) БКнын мүчөсү, Фрунзе шаарко&shy;мунун бюро мүчөсү (1937). 1937-жылы декабрда бур&shy;жуазиялык улутчул деген жалаа менен камакка алынган. 1939-жылы СССРдин коргоо министринин (К. [[ВОРОШИЛОВ|Ворошилов]]) кийлигишүүсү менен акталып, камактан бошотулган. Бирок көп өтпөй көз жумган. 1958-жылы толук ак&shy;талган. Ак-Суу райондук кеңешинин 1992-жылы 4-августта чечими менен А. Истамбековдун ысымы Ичке-Жергез мектебине берилген.

Ад.: Тунтеев Н. С. Красные кавалеристы Кыргызстана. Б., 1994.
[[Категория:3-том, 607-672 бб]]