«ИСАЕВ Аскар» барагынын кодун көрүү

<b type='title'>ИСАЕВ</b> '''Аскар''' [15. 3. 1931-жылы туулган, Кызыл-Аскер району, Кызыл-Аскер кыштагы (азыркы Бишкек шаары) – 22. 8. 2016. Бишкек] – архитектор, акын, Кыргыз ССРинин эмгек сиңирген архитектору (1974). Кыргыз Республикасынын архитектура жана ку&shy;рулуш академиясынын ар&shy;дактуу академиги (2005). Москва архитектура институтун бүт&shy;көн (1955).

[[File:ИСАЕВ 241.png | thumb | none]]
1956–1959-жылдары «Кыргыздолбоор» жана «Фрун&shy;зе шаардык долбоор» институт&shy;тарында архитектор, 1959–1961-жылдары Кыргызстан архитектор&shy;лор союзунун башкармасы&shy;нын төрагасы (1959–1961), Фрунзе шаарынын башкы архитектору (1968–1971), «Фрунзе шаардык долбоор» институтунда өнөркана жетекчиси (1972–1986). Исаевдин чет өлкөлөрдө (Си&shy;рия, Алжир, Ирак, Германия, Швейцария) өткөрүлгөн бүткүл дүйнөлүк көргөзмөлөрдөгү кыргыз павильондору алтын медалдарга татык&shy;туу болгон. Ал жетектеген № 3 өнөркананын архитекторлорунун долбоору боюнча Өкмөт Үйү ку&shy;рулган (1974). Исаевдин эмгектери: Бишкектеги бай&shy;ланыш үйү куранты менен (1980), Эркиндик буль&shy;варындагы «Сейил» рестораны (1970), Совет көчөсүндөгү 10 кабат турак үй (1973), В. И. Ле&shy;ниндин эстелиги (айкелчилери А.Кибальников, Т. Садыков, 1984), М. Фрунзенин эстелиги (айкелчилери А. Посядо, В. Дубиновский 1960–1970), Т. Сатылгановдун эстелиги (айкелчиси Г. Айтиев, 1960–1974), Ч. Айтматов атындагы паркта&shy;гы түбөлүк от (1970) жана башкалар. Исаев лирик акын катары да

[[File:ИСАЕВ 242.png | thumb | Бишкектеги байланыш үйү. Архитектор А.Исаев. 1974.]]
таанымал. «Таң сыры» (1980), «Жаңы&shy;рык» (1984) ыр жыйнактары жарык көргөн, «Сары-Челек», «Эңсөө», «Элегия», «Жаш курак» жана башка ырларына музыка жазылган. «Ардак Бел&shy;гиси» ордени жана медалдар менен сыйланган.
[[Категория:3-том, 607-672 бб]]