«ИНФАРКТ» барагынын кодун көрүү

<b type='title'>ИНФА&#769;РКТ</b> (лат. intfarctus – шыкалган) – орган же ткандын артериялык кан жетпей калган бөлүгүнүн некрозго чалдыгуусу. Тромбоз, эмбо&shy;лия же ошол тканды азыктандыруучу артерия&shy;нын тарышы, шишик басып калышы инфарктын түздөн-түз себеби болуп эсептелет; инфарктта ткан&shy;дардын өзгөрүүсүнө гипоксиянын да таасири чоң. Инфаркттын ишемиялык, геморрагиялык ж. б. түрлө&shy;рү бар. Ишемиялык инфарктта некроз болгон жерге кан жетпей калса, геморрагиялык инфарктта ал жер&shy;ге кан ашыкча толот. Ишемиялык инфаркт жүрөк, бөйрөк, көк боордо, ал эми геморрагиялык инфаркт өпкө, ичегиде болот. Инфаркт кургак (миокарддын инфаркты) же нымдуу (мээнин инфаркты) болушу мүмкүн. Анда органдар абдан өзгөрөт: өлүк масса чогу&shy;луп, киста (мисалы, мээде) же тырык (мисалы, жүрөк булчуңунда) пайда болот. Алдын алууда ага се&shy;беп болуучу оорулардан сактануу керек.
[[Категория:3-том, 544-607 бб]]