«ИНТРОДУКЦИЯ (өсүмдүктөрдү же жаныбарларды көчүрүү)» барагынын кодун көрүү

<b type='title'>ИНТРОДУ&#769;КЦИЯ</b> (лат. introductio киргизүү) – өсүмдүк же жаныбардын айрым бир түрлөрүн бир ареалдан башка ареалга көчүрүү, аларды атайын өстүрүү үчүн алып келүү. Интродукциянын баш&shy;тапкы этабы – <i>акклиматизация</i>. Сейрек кез&shy;дешүүчү түрдү коргоо ж-а аңчылык фаунасын байытуу чарасы болуп саналат. КМШ өлкөлө&shy;рүнүн аймагында жаныбарлардын 50дөн ашык промыселдик түрлөрү интродукцияланган. Ал эми реак&shy;климатизациянын (кайсыл бир аймактагы жок болуп кетүү коркунучунда турган түрдү жасал&shy;ма жол м-н калыбына келтирүү) жардамы м-н кундуз, кемчет,  жапайы чочко, бугу, зубр ж. б. жапайы жаныбарлардын популяциялары калы&shy;бына келтирилген. Кыргызстандын ар кайсы аймак&shy;тарына балыктын 11 түрү [Ысык-Көл жилин&shy;гири (форели), ладога майканаты, момун балык, ак амур, ак макоо балык, кара балык, чыгыш таран сымал балыгы, күмүштөй таман балык, балхаш ала бугасы, судак ж. б., сүт эмүү&shy;чүлөрдүн 10дон ашык түрү (жылан куйрук, суу&shy;сар, жанат сымал ит, нутрия, зубр ж. б.) ар кандай шарттарга коё берилген. Кээ бирлери илимий жактан негизделбегендиктен, ишке ашкан эмес. Мисалы, бугу азыр Сары-Челек биосфералык кору&shy;гунда жокко эсе, ал эми зубр таптакыр жок болду. КР УИАнын Э. Гареев атындагы ботаника ба&shy;гында дүйнөнүн көптөгөн материгинен дарак, бадал ж. б. кооз өсүмдүктөрдүн бир нече миңде&shy;ген түрлөрү (мисалы, гингко, метасеквойа, агава, глициния) интродукцияланып, алардын ичинен жүзгө жа&shy;кыны шаарды жашылдандыруу, көрктөндүрүү үчүн гүлзарларда өстүрүлөт. 
<p align='right'><i type='author'>И. С. Содомбеков.</i></p>
[[Категория:3-том, 544-607 бб]]