«ЗОЛДОР» барагынын кодун көрүү

<b type='title'>ЗОЛДОР</b> (нем. Sol – коллоиддик эритме) – суюк дисперстик чөйрөдөгү жогорку дисперстүү кол&shy;лоиддик системалар. Золдордун дисперстик фазасы&shy;нын бөлүкчөлөрү аларды курчаган дисперстик чөйрөнүн молекулаларынын сольваттык катма&shy;ры м-н мицелланы түзөт. Алар броун кыймы&shy;лына бири бирине көз карандысыз катышат ж-а дисперстик чөйрөнүн бардык көлөмүндө те&shy;гиз таралат. Дисперстик чөйрөсү суу болсо – гидрозоль, органикалык чөйрө болсо органозоль деп ата&shy;лат. Органозолдор чөйрөнүн химиялык курамына жа&shy;раша бензозоль, алкозоль, этерозоль ж. б. деп айырмаланат. Коллоиддик-дисперстик фазаны камтыган куймалар пирозоль деп аталат. Пи&shy;розолдорду муздатканда дисперстик чөйрөнүн айнектешүүсүнүн же кристаллдашуусунун на&shy;тыйжасында катуу золдор пайда болот. Дисперстик фазанын ж-а дисперстик чөйрөнүн бөлүк&shy;чөлөрүнүн өз ара аракеттенүү мүнөзү боюнча д<i>ис&shy;перстик системалар</i> лиофилдүү ж-а лиофобдуу болуп бөлүнөт. Лиофобдуу, анын ичинде гидрофобдуу золдор термодинамикалык тең салмаксыз, агрегаттык жактан туруксуз, дисперсияланган бөлүкчөлөрү коа-гу&shy;ляцияга жөндөмдүү дисперстик система болу&shy;шат. Лиофилдүү золдордун дисперстик фазасы, дис&shy;перстик чөйрөнүн чегинде өтө аз салыштырма беттик энергияга ээ. Мындай золдор агрегаттык жак&shy;тан туруктуу ж-а термодинамикалык тең салмактуулукта болушат. Лиофилдүү золдорго самындын ж-а самын сымал беттик активдүү заттардын гидрозолдо&shy;ру, кээ бир органикалык пигменттердин, боёктордун гид&shy;ро&shy; ж-а органозолдору кирет. Ал эми металлдар&shy;дын гидро&shy; ж-а органозолдору лиофобдуу золдор бо&shy;луп эсептелет. Газ (аба) чөйрөдө текши таралган суюк же катуу заттардын майда бөлүкчөлөрүнөн турган системалар <i>аэрозолдор</i> деп аталат.
[[Категория:3-том, 449-543 бб]]