«ЖӨЖӨ» барагынын кодун көрүү

<b type='title'>ЖӨЖӨ</b> – тоок, күрп ж. б. куштардын балапа&shy;ны. Куштар жөжөсүн ар кандай мөөнөттө басып чыгарат: мекиян – 21, күрп – 28 күн. Үй кушта&shy;рынын жөжөсү массалык түрдө инкубатордо ба&shy;сып чыгарылат. Жөжө 1–1,5 айлыгына чейин жөжөканада багылат. Жөжө багуу өстүрүүчү чар&shy;банын максаты м-н куштардын түрүнө жараша болот. Асыл тукум жөжөнү багууда жөжөканада&shy;гы 1 м<sup>2 </sup>аянтка суткалык тоок жөжөлөрү 16–20дан, күрп м-н каз жөжөлөрү 10–12ден, өрдөк жөжөлөрү 14–16дан жайгаштырылат. 20–30 күндөн кийин ошол эле аянтка 25ке чейин жөжө жайгаштырса болот. 1-жумада жылуулук түнкүсүн тоок жө&shy;жөканасында 28–29°С, күрп жөжөканасында 29–31°С, каз м-н өрдөк жөжөканасында 27–28°С болуш керек. Күндүз жылуулукту 3–4°Сна төмөндөтүүгө болот. 8–9 күндөн кийин жөжөка&shy;надагы жылуулук тоок, күрп жөжөсүнө жума са&shy;йын 3°Сге, каз м-н өрдөктүкүнө 4°Сге төмөн&shy;дөтүлүп отуруш керек. Тоок м-н күрп жөжө&shy;лөрүнө 40, өрдөк м-н каз жөжөлөрүнө 20 күн болгондо жөжөкана жылытылбайт. Тордо ба&shy;гылган асыл тукум жөжөлөргө атайын даярдал&shy;ган аралаш тоют берилет. Мындай тоюттарга витаминдүү дары-дармек, микроэлемент, анти&shy;биотиктер кошулат. Тордон чыгарылган кезде  тоок  м-н күрп жөжөлөрүнө кургак же көк тоют, тамыры азык өсүмдүктөр, балык калдыктары ж. б. кошулган нымдуу аралаш тоют берилет. Жөжөлөрдүн өсүшүн көзөмөлдөө үчүн ай сайын 50– 100 баштан таразага тартып туруу керек. Эт ба&shy;гытындагы бройлер жөжөлөрүн багууда 1 <i>м</i><sup>2 </sup>аянт&shy;ка 10–12 жөжө жайгаштырылат. Жөжөкана ме&shy;ханикалаштырылып, температура 20–22°С, нымдуу&shy;лук 60–65% болуш керек. Суткасына 12–14 саат негизинен электр лампочкасы аркылуу жарык кылынат. Жөжөлөргө 1–2 күн тартылган (май&shy;да) дан, андан кийин аралаш тоют берилет. Союла турган жөжөлөр сыртка чыгарылбайт. Күрп жөжөлөрү 1,5–2 ай жылуу тордо багылып, аралаш тоют берилет. Эгин аңызына түшүм жыйналгандан кийин чыгарса болот. Өрдөк жөжөлөрү 2–3 жума тордолгон жылуу жайда ба&shy;гылат. Суу (көлмө ж. б.) жок чарбаларда 1 <i>м</i><sup>2 </sup>аянтка 8–9 жөжө туура келгендей жөжөкана ку&shy;рулуп, ал секцияларга бөлүнөт. Ар бир секция&shy;га 500гө чейин жөжө киргизилип, чыктуу (ным&shy;дуу) аралаш тоют берилет. Көлмөлүү чарбаларда жөжөлөр 3 жумадан кийин көлмөлөргө чыгары&shy;лат. Мындай учурда суунун жылуулугу 14°Снан төмөн болбош керек. Каз жөжөлөрү 2–3 жума жылуу жайга багылат. 1 <i>м</i><sup>2 </sup>жерге 3–4 жөжө жай&shy;гаштырылат. Тоют базасы (жайыты) мыкты чар&shy;баларда жөжөлөр топ-тобу м-н (500–700дөн) жа&shy;йытка (же көлмөгө) чыгарылат. 4 айдан кийин союлат.

Ад.: <i>Дьяков Е. Е., Убашев А.</i> Промышленное пти&shy;цеводство – важный резерв увеличения производства мяса в Киргизии. Ф., 1980. [[Категория:3-том, 327-448 бб]]