«ЖҮЛҮН» барагынын кодун көрүү

<b type='title'>ЖҮЛҮН</b> (medulla spinalis) – борбордук нерв система&shy;сынын бир бөлүгү. Ал диаметри 1 <i>см</i>ге жакын цилиндр формасындагы узун жипче. Жүлүн  омурт&shy;ка түркүгүнүн ичиндеги жүлүн каналында жай&shy;гашкан. Жүлүн сыртынан мээ кабыгы м-н каптал&shy;ган. Жүлүндүн жогорку жагы сүйрү мээге биригет, ал эми төмөнкү учу I–II бел омурткасынын ту&shy;шунда ичкерип, андан ылдый акыркы жипче&shy;лерге айланат. Ал жипчелер II чычаң омуртка&shy;сынын ички бетине бекийт. Жүлүндүн моюн ж-а бел көчүк бөлүгү бир кыйла жоонурак келип, андан кол ж-а бутту нервдештирүүчү Жүлүн нервдери башталат. Ошондуктан жүлүндүн бул бөлүктөрүндө анын башка бөлүктөрүнө караганда нерв клет&shy;калары ж-а нерв талчалары көп болот. Жүлүндүн ортосу боз, ал эми сырты ак заттан турат. Боз заты арткы, алдыңкы, каптал өсүндүлөрдөн ж-а аралык заттан турат. Бул өсүндүлөрдө көп сандаган нейрон денелери жайгашкан. Бул ней&shy;рондор сезүү ж-а кыймылдатуу ишин аткарат, ошондой эле ички органдар м-н тыгыз байланышып, алардан тынымсыз кабар алат ж-а ишин жөнгө салат. Жүлүндүн боз затынын ортосунан аны узу&shy;нунан бойлоп узун ичке жүлүн каналы өтөт. Ал жүлүн суюктугу м-н толгон. Сырткы катмары (ак заты) сезгич ж-а кыймылдаткыч талчалардын тобунан турат. Ак заттын нерв талчалары бор&shy;бордон четтөөчү ж-а борборго умтулуучу им&shy;пульстарды өткөрүүчү жал деп аталат. Нормада кишинин жүлүнү 31 сегменттен (бөлүктөн) турат. Жүлүн  сегменттеринин саны андан чыгуучу 31 жуп жүлүн  нервинин санына барабар. Жүлүн  сегменттери: 8 моюн, 12 көкүрөк, 5 бел, 5 куймулчак, 1 чы&shy;чаң сегменттеринен турат. Жүлүндүн ар бир сегмен&shy;ти дененин белгилүү гана бөлүктөрүн нервдеш&shy;тирет. [[Категория:3-том, 327-448 бб]]