«ЖУТ (өсүмдүк уруусу)» барагынын кодун көрүү

<b type='title'>ЖУТ</b> (Corchorus) – жөкө дарактар тукумунда&shy;гы өсүмдүк уруусу. Анын 40ка жакын түрү бар. Азия, Африка, Америка, Австралиянын тропик аймактарында өсөт. Була алуу үчүн тоголок ж-а сүйрү мөмөлүү эки түрү өстүрүлөт. Өсүмдүк&shy;түн бийиктиги 3,5 <i>м</i>ге чейин  жетет. Кезектешип жайгаш&shy;кан сүйрү жалбырагынын кыры тиш сымал. Гүлү майда, сары, эки жыныстуу. Мөмөсү – чанак. Уругу майда, түсү күрөң, боз же жашыл. Жарык, жылуу ж-а нымдуу жерде жакшы өсөт. Жуттун буласы техникалык, таңгактоочу ж. б. кездеме&shy;лерди, килем жасоодо кеңири колдонулат. Кур-
[[File:ЖУТ107.png | thumb | Узун мөмөлүү жут.]]
гак сабагынан 20–25% була чыгат. Мекени – Ин&shy;дия. Жуттун жалбырагы тамак-ашка пайдаланы&shy;лат. Орточо түшүмдүүлүгү гектарынан 15,7 <i>ц</i>. Жутту дүйнө боюнча Индия, Пакис&shy;тан ж-а Бангладеш арбын  өстүрөт. КМШ өлкөлөрүнөн Орто Азияда бир аз аянтта сүйрү мөмөлүү жуттун сорт&shy;тору өстүрүлөт. Ар бир <i>га&shy;д</i>ан орточо 95–100 <i>ц</i> кургак сабак алынат. Буласын алуу үчүн өсүмдүктөрдүн 50%инде биринчи кутуча пайда болгондо жыйна&shy;лат. Бооланган сабактар кургатылып, иштетүү үчүн була заводуна жөнөтүлөт. [[Категория:3-том, 327-448 бб]]