«ЖОЛ БЕЛГИЛЕРИ ЖАНА КӨРСӨТКҮЧТӨРҮ» барагынын кодун көрүү

<b type='title'>ЖОЛ БЕЛГИЛЕРИ ЖАНА КӨРСӨТКҮЧТӨРҮ</b> – жолдо жүрүүчүлөргө (унаа айдоочу ж-а жөө жүрүүчүлөр) жолдо жүрүү шарты, жүрүү марш&shy;руту жөнүндө маалымат берүүчү белгилер ж-а жа&shy;зуулар. Алар белгилүү түстө, формада ж-а чоң&shy;дукта жасалып, көчөнүн, жолдун, магистрал&shy;дардын боюна, жүрүү багытынын оң жагына ор&shy;нотулат. Автомобиль кыймылы б-ча Париж конвенциясында (1909) төрт (жолдун кесилиши, темир жол кесилиши, ийри-муйру жол, өңгүл-дөңгүл жол) эскертүүчү белгиси бар алгачкы жол белгилери жана көрсөткүчтөрү жөнүндө макулдашуу кабыл алынган. Кийинки кон&shy;венцияларда улам толукталып, Венадагы жол белгилери жана көрсөткүчтөрү жөнүндө конвенциянын (1968), Женевадагы Европалык макулдашуунун (1971) талабына ыла&shy;йык мамлекеттик стандарт иштелип чыккан ж-а ага ылайык 4 топко бириктирилет: эскертүүчү, тыюу салуучу, милдеттендирүүчү, нускоочу белгилер, кээде кошумча кабарлоочу белгилер орнотулу&shy;шу мүмкүн. Эл аралык концепциялардын жол кыймылы, белгилери ж-а көрсөткүчтөрү жөнүндөгү нормаларын, мамлекеттик стандарттын та&shy;лаптарын эске алуу м-н КРдин Өкмөтүнүн 2009- жылдын 3-мартындагы токтомунун редакция&shy;сына ылайык КРдин жол белгилери жана көрсөткүчтөрү 7 топко бө&shy;лүнгөн. Э с к е р т к и ч белгилер: кызыл жээк&shy;түү сары үч бурчтук – алдыдагы жолдун опур&shy;талдуулугун ж-а ага карата чара көрүү зарыл&shy;дыгын унаа айдоочуга эскертет. Т ы ю у с а &shy;л у у ч у белгилер: жердиги ак, кызыл жээктүү сары тегерек – транспорттун айрым түрлөрүнүн жүрүшүнө тыюу салат же белгилүү чектөө м-н жүрүү керектигин эскертет. М и л д е т т е н д и &shy;р ү ү ч ү белгилер: жалпы белгиси көк тегерек – белгилүү жакты көздөй, белгилүү ылдамдыкта ж-а транспорттун тийиштүү түрүнүн гана жүрүүсүнө уруксат кылынат. М а а л ы м а т к ө р с ө т к ү ч белгилер: көк, сары түстөгү чарчы – жолдун аралыгын, калктуу жерлерди, транспорт токтоочу жайды, кыймылдын урук&shy;сат берилген багытын ж. б. көрсөтөт. С е р в и с  б е л г и л е р и – тийиштүү объектилердин жайгашуусу жөнүндө маалымдайт. К о ш у м ч а  м а а л ы м а т б е л г и л е р и (табличкалар) – белгилердин колдонулушун тактайт же чектейт. Булардан сырткары транспортту айрып таануу&shy;чу белгилер өзүнчө топко бириктирилген. Бар&shy;дык белгилерге түнкүсүн жарык берилет же жарык чагылтуучу материалдан жасалат ж-а 100 <i>м</i> аралыктан көрүнүшү керек. 

[[File:ЖОЛ БЕЛГИЛЕРИ ЖАНА КӨРСӨТКҮЧТӨРҮ36.png | thumb | none]]
[[File:ЖОЛ БЕЛГИЛЕРИ ЖАНА КӨРСӨТКҮЧТӨРҮ37.png | thumb | none]] 
[[File:ЖОЛ БЕЛГИЛЕРИ ЖАНА КӨРСӨТКҮЧТӨРҮ38.png | thumb | Эскертүү белгилери]]

[[File:ЖОЛ БЕЛГИЛЕРИ ЖАНА КӨРСӨТКҮЧТӨРҮ39.png | thumb | Сервис белгилери]]

[[File:ЖОЛ БЕЛГИЛЕРИ ЖАНА КӨРСӨТКҮЧТӨРҮ40.png | thumb | none]]



<i>Т. Абдылдаев, К. Бутешов.</i> [[Категория:3-том, 327-448 бб]]