«ЖАШЫЛ КОНВЕЙЕР» барагынын кодун көрүү

<b type='title'>ЖАШЫЛ КОНВЕЙЕР</b> – малды жаз-жай-күз мез&shy;гилинде жашыл тоют м-н үзгүлтүксүз ж-а же&shy;тиштүү камсыз кылууну уюштуруу. Ал колдо багылган малдын сүтүн, этин көп өндүрүү үчүн пайдаланылат. Мында, эрте жаздан кеч күзгө
чейин кезектешип жетилүүчү өсүмдүктөрдү туу&shy;ра жайгаштырып өстүрүү чоң мааниге ээ. Чүй
өрөөнүндө жазда себилген буурчак + сулуну 20–
30-мартта, перко+рапсты 5–20-апрелде, кара буудайды – 15–30-апрелде, тритикалени –1–20 майда; беденин 1 чабыгын 5–30-майда, 2 чабы&shy;гын 1–30-июнда, 3 чабыгын 10–30-июлда, 4 ча&shy;быгын 20-августтан –10-октябрда чаап, жашыл тоют түрүндө пайдаланылат. Ошондой эле, жүгөрү+соя, сорго, тоют кызылчасы, тоюттук капуста да жа&shy;шыл тоют катары колдонулат. Бул өсүмдүктөр&shy;дүн жашыл массасын өсүп жетилишине жара&shy;ша малга үзгүлтүксүз чаап берүү м-н сүт ж-а эт өндүрүүнү ургаалдуу жүргүзүүгө болот. Жашыл конвейерде орто ченинде өстүрүлгөн өсүмдүктөрдү (күздүк кара буудай, тритикале, рапс, перко ж. б.) ке&shy;ңири пайдалануу зарыл. Бир талаадан бир жыл&shy;да эки жолу түшүм алууга мүмкүнчүлүк берип, айдоо жердин натыйжалуу пайдаланылышына шарт түзөт. 

<i>А. Карабаев.</i> 
[[Категория:3-том, 215-326 бб]]