«ЖАШЫЛЧАЛАР» барагынын кодун көрүү

<b type='title'>ЖАШЫЛЧАЛАР</b> — ширелүү бөлүгү тамак-ашка пайдаланылуучу эгилме же табигый чөп өсүмдүктөр. Жашылчалардын 620 түрү (78 тукумга кирет), КМШ өлкөлөрүндө 60 түрү бар. Анын теңи эгил&shy;ме, калгандары табигый түрдө пайдаланылат. Жашылчалардын курамында эң көп витамин, белок, май ж-а углевод азык заттары, органикалык кислота, минерал заттар бар. Тамак-ашка сабак, жалбырак, жал&shy;бырак сабы, кочаны (капуста, шибит, мангольд ж. б.), азык тамыры (сабиз, аш кызылчасы,чамгыр, түрп, шалгам ж. б.), пияз түбү (пияз, сарымсак ж. б.) ж. б. пайдаланылат. Жашылчалардын бир-эки ж-а көп жылдык түрлөрү бар. Бир жылдык жашылчалардын (чанактуулар, ашкабак уруу&shy;сундагы өсүмдүктөр, шалгам ж. б.) өсүү цикли эгилген жылы эле аяктайт. Эки жылдык жашылчаларда (пияз, сарымсак, тамыры азык өсүмдүктөрдүн  шалгамдан  башкасы,  капустанын  түстүү ж-а пекин капустасынан башкасы ж. б.) 1-жылы тамак-ашка пайдаланылуучу бөлүктөрү, 2-жы-

[[File:ЖАШЫЛЧАЛАР116.png | thumb | Жашылчалар: 1 – капуста; 2 – бадыраң; 3 – пияз; 4 – баклажан; 5 – калемпир; 6 – шалгам; 7 – сабиз; 8 – чамгыр; 9 – ышкын; 10 – сарымсак; 11 – помидор.]]
лы уругу пайда болот. Көп жылдык жашылчалар – ыш&shy;кын, козу кулак, эстрагон ж. б. Жашылчалардын көбү жылуу жерде, нымдуу, күрдүү топуракта жак&shy;шы өсөт. 
[[Категория:3-том, 215-326 бб]]