«ЖАРАНДАРДЫН ЭКОЛОГИЯЛЫК УКУГУ» барагынын кодун көрүү

<b type='title'>ЖАРАНДАРДЫН ЭКОЛОГИЯЛЫК УКУГУ</b>–
жарандардын ыңгайлуу чөйрөдө жашоосуна багытталган мамлекеттик мыйзам укуктары. Анда чөйрөнүн абалы жөнүндөгү так маалыматтар ж-а мүлккө сарпталган чыгымдарды калыбына кел&shy;тирүү шарттары эске алынган. Ал өмүргө ж-а ден соолукка зыян келтирбеген ыңгайлуу шарт&shy;тарда жашоо мүмкүнчүлүгүнө, айлана-чөйрөнү ыңгайлуу шартта сактоону ж-а коргоону мам&shy;лекеттен талап этүүгө жарандардын укугу бар экендигин тастыктайт. Айлана-чөйрөнү коргоо жөнүндөгү мыйзам боюнча жарандар айлана-чөйрөнүн зыяндуу таасирлеринен ден соолукту сактоо, ден соолукту сактоочу же ага тескери таасирин тий&shy;гизүүчү факторлор жөнүндөгү маалыматтарды так ж-а учурунда үзгүлтүксүз алып туруу, ошондой эле алар&shy;дын ден соолугун коргоо тармагындагы укук&shy;тары м-н эркиндиктерин чектеген мамлекеттик уюм&shy;дар м-н кызмат адамдарынын айлана-чөйрөгө терс иш-аракеттери жөнүндө тийиштүү уюмдарга даттануу укугуна ээ. Мындан сырткары жаран&shy;дар өз кызыкчылыгын коргоо үчүн экологиялык бирик&shy;мелерди түзүү, куралсыз беймарал чогулуу, жы&shy;йындарды, жүрүштөрдү өткөзүү, ошондой эле оюн эр&shy;кин билдирүү укугуна ээ. Жарандардын экологиялык укугу ошондой эле башка чен-өлчөм, жол-жоболор м-н да бекемделет.



[[Категория:3-том, 215-326 бб]]