«ЖАР» барагынын кодун көрүү

<b type='title'>ЖАР</b> – бир жагын суу жеп кеткен же урап кал&shy;ган бийик тик жер; кемер, суунун кемерленген бийик жээги; тоонун бир жагы урап калган бети. Көл, деңиз жээктеринде да пайда болот. Жарлар&shy;дын пайда болушуна тоо боорунда ж-а тама&shy;нында пайда болгон төмөндөөлөр, чуңкурайт&shy;кан издер, бороздойлор, аңдар кеңейип, бири&shy;-бирине кошулушу негиз болот. Көбүнчө агын суу, көл шарпылдагы, жаан-чачын суусу чопо,




[[File:ЖАР98.png | thumb | Кыргызстандагы жарлардын бири.]]
сары топурак, кум ж. б. борпоң тектерден тү&shy;зүлгөн жерлерди жемирип кетишинен пайда болот. Жардын узундугу жүздөгөн <i>м</i>ден бир нече <i>км</i>ге, туурасы бир нече <i>м</i>ден ондогон <i>м</i>ге, ал эми тереңдиги ондогон <i>м</i>ге чейин жетет. Эгерде жар пайда болуу токтосо, ал жерде чөп м-н ба&shy;далдар өсүп, жар «балкага» же кокту-колотко айланат. Жар  пайда болуу процесси айыл чарбага ор&shy;чундуу зыян келтирет. Аны токтотуу иш-чара&shy;лары эрозияга каршы агротехникалык ж. б. ыкмалар&shy;ды колдонуу аркылуу жүзөгө ашырылат. Жарлар КМШнын европалык бөлүгүндө, Кытайдын лёсстуу аймактарында, АКШда ж. б. жерлерде кеңири таралган. Кыргызстанда ага байланыштуу Жар-Башы, Айгыр-Жар, Жар-Таш, Кызыл-Жар ж. б. топонимдер бар. 
[[Категория:3-том, 215-326 бб]]