«ДӨДӨМӨЛ-АК-ШЫЙРАК КАПЧЫГАЙЫ» барагынын кодун көрүү

'''ДӨДӨМӨЛ-АК-ШЫЙРАК КАПЧЫГАЙЫ''' Ички Теңир-Тоодогу Дөдөмөл ж-а Ак-Шыйрак тооло&shy;рун Нарын дарыясы кесип өткөн жерде. Тогуз-Торо ж-а Ак-Талаа райондорунун аймагында. Узундугу Алабу&shy;ганын чатынан (Нарындын сол куймасы) Кара- Кайыңдын чатына (оң куймасы) чейин 50 ''км''. Деңиз деңгээлинен бийиктиги 1800–2200 ''м'', капчыгайды чектеген тоолордун абсолюттук бийиктиги 3600–4000 ''м''. Ак-Шыйрак кырка тоосунун түндүк капталынан Кызыл-Жар тоосун көздөй созулган тектоникалык жа&shy;рака тоонун түзүлүшүн экиге бөлөт. Жарака&shy;нын түндүк бөлүгү капчыгайдын сол капталын түзөт. Ала-Букадан төмөн 20 ''км'' аралыкта туу&shy;расы 1 ''км''ден 20–25 ''м''ге чейин кууш тартат. Төртүнчүлүк мезгилдеги тектирлердин калдык&shy;тары суунун нугунан 300–400 ''м'' көтөрүңкү жа&shy;тат. Кайыңды суусу кошулгандан кийин кап&shy;чыгайдын туурасы кескин кууштайт (5–10 ''м''). Дарыянын нугу салыштырмалуу 1600 ''м''ден 1300 ''м''ге төмөндөп, суунун кескин жемириши&shy;нен 1 ''км'' аралыкта 7 ''м''ге тик капталдуу, кууш жалама капчыгай түзүлүүдө. Дөдөмөл тоосу суу&shy;нун нугунан 1400 ''м'' өйдө жатат. Негизинен аки&shy;таш теги, доломит, кум, шагыл, сланец текте&shy;ринен түзүлгөн. Капчыгайдын кооз рельефи ко&shy;рукка айландырылган. [[Категория:3-том, 86-170 бб]]