«ДИРИЛДӨӨ ТЕХНИКАСЫ» барагынын кодун көрүү

'''ДИРИЛДӨӨ ТЕХНИКАСЫ''' – 10 ''мгц''тен 10 ''кгц''ке чейинки жыштыктагы механикалык термелүүнү козгоо&shy;чу каражаттар м-н ыкмалардын ж-а дирилдөөнү башкаруу, өлчөө, текшерүү, ошондой эле зыяндуу ди&shy;рилдөөгө каршы күрөшүү ыкмаларынын жы&shy;йындысы. Дирилдөө техникасына пайдалуу жумушту аткаруу (топуракты ж-а бетон аралашмасын тыгыз&shy;доо ж-а ныктоо, сыноолорду жүргүзүү ж. б.) үчүн дирилдетилүүчү куралдар ж-а түзүлүштөр, ди&shy;рилдөөнү башкаруучу, өлчөөчү аппараттар ж-а зыяндуу дирилдөөнү токтотуучу, басаңдатуучу, жок кылуучу түзүлүштөр кирет. Булар 500 ''гц''ке чейинки жыштыктагы термелүүнү берүүчү бор&shy;бордон четтөөчү, электр-магниттүү (50–100 ''гц''), поршендүү (1–80 ''гц''), ийри муунак-шатундуу (1–20 ''гц'') дирилдетип жүргүзгүчтөр м-н кыймыл&shy;га келтирилет. ''Дирилдөөнүн'' параметрлери (ко&shy;торулушу, ылдамдыгы ж-а ылдамдануусу, жыш&shy;тыгы, фазасы, амплитудасы) виброметр ж-а ак&shy;селерометр м-н өлчөнөт. Дирилдөөнү өлчөөчү ап&shy;паратура ''билдиргичтен'', өзгөрткүчтөн, ана&shy;лиздегичтен, көрсөтүүчү ж-а каттоочу прибор&shy;лордон, сигналдык түзүлүштөн турат. Дирилдөө техникасынын негизги милдеттеринин бири – адам, машина, прибор ж-а курулуштарды дирилдөөнүн зыян&shy;дуу таасиринен сактоо. Бул үчүн дирилдөөнү баскыч, статистикалык ж-а динамикалык тең&shy;дегичтер, инерциялык ж-а серпилгич элемент&shy;тер кеңири колдонулат. 
[[Категория:3-том, 86-170 бб]]