«ДАН КУРГАТУУ» барагынын кодун көрүү

'''ДАН КУРГАТУУ''' – эгинди ж-а ар кандай өсүм&shy;дүк үрөнүн сактоого, ошондой  эле аларды азык катары пайдаланууга мүмкүндүк берүүчү технологиялык ыкма. Кургаткандан кийин дан массасынын физиологиялык активдүүлүгү кескин төмөндөйт. Дан эгиндерин&shy;де 20–25%ке чейин ным болот. Мындай ашык&shy;ча нымдан дан көгөрүп, түтөп кетет. Дан ным&shy;дуулугу 14%тен ашпаган учурда жакшы сакта&shy;лат. Жылуулукту пайдаланбай дан кургатуу ж-а жы&shy;луулукту пайдаланып дан кургатуу болуп 2 топко бөлү&shy;нөт. Биринчи ыкмада нымды өзүнө тартып алуу&shy;чу нык заттар (кургак жыгач, хлордуу каль&shy;ций, натрий сульфаты ж. б.), кургак аба пай&shy;даланылат. Бул ыкма техникалык ж-а экономикалык жактан ныйжасыз, көбүнчө үрөн кургатууда колдо&shy;нулат. Жылуулукту пайдаланып дан кургатуу кеӊири таралган. Жылуулуктун келишине жараша бул ыкма бир нечеге бөлүнөт: кондуктивдүү ыкма м-н кургатууда дан ысытылган нерсенин (мисалы, кыштан, темирден даярдалган) үстүнө тегиз жа&shy;йылып кургатылат. Конвективдүү ыкмада ысык аба данды аралап өтүп, текши кургатат. Бул ыкма бардык өнүккөн өлкөлөрдө колдонулат. Радиациялык кургатууда жылуулук данга нур&shy;лантуу аркылуу жиберилет. Данды генератор&shy;дон алынуучу инфракызыл нур м-н кургатуу ык&shy;масы иштелип чыккан. Кырманда данды ша&shy;малдатып, күнгө кургатуу да радиациялык ык&shy;мага кирет. Электр кубаты м-н дан кургатуу ыкмасын&shy;да дан тез, текши кургап, сапатын жоготпойт. Кургатылган дан узак убакытка сакталат, са&shy;паты жогорулайт.            

Ад.: Теория и техника сушки зерна. М., 1970. 

''Э. Капарова.'' 
[[Category: 3-том, 5-85 бб]]