«ДАНЧЫ КОӉУЗДАР» барагынын кодун көрүү

'''ДАНЧЫ КОӉУЗДАР''' (Bruchidae)— коӊуздар түркүмүнүн өсүмдүк м-н азыктануучу курт-ку&shy;мурскалар тукуму. Дене узундугу 2—6 ''мм''  дей, сүйрү, тоголок же жумуртка сымал, томпок, майда коӊуз. Көзү тостогой, башы анча чоӊ эмес. Му&shy;руту 11 муунактуу, канаты кыска. Арткы буту алдыӊкы бутунан жоон, узунураак. Жылына бир жолу тукумдайт. Дүйнөдө 1200дөй, анын ичинде КМШ өлкөлөрүндө 120дай түрү белгилүү. Кө&shy;бүнчө чанактуу, чатыр гүлдүү, чырмоок өсүмдүк&shy;төрүнүн уругунда мителейт. Данчы коңуздар күн ачык, жылуу кезде көбөйүп, жумурткаларын өсүмдүк гүлүнө, саадагына таштайт. Андан личинкала&shy;ры чыгып, саадак кабыгын көзөп, данына ки&shy;рет. Көпчүлүк данчы коңуздар  буурчак, маш буурчак, жас&shy;мыкка чоӊ зыян келтирет. КМШ өлкөлөрүндө данчы коңуздарга тышкы карантин чектелет. Пайдалуу түрлөрү аз. Чырмоокчу данчы коңуздар отоо чөптөрдүн уругун жеп, пайдалуу. 
[[Category: 3-том, 5-85 бб]]