«ДАМАСК» барагынын кодун көрүү

'''ДАМА&#769;СК''' (арабча Д и м и ш к) – Сирия Араб Респ&shy;убликасынын борбор шаары. Антиливан тоосунун эте&shy;гинде, Барада дарыясынын өрөөнүндө. Калкы 2,5 млн (2022). Эл аралык аэропорту бар. Өлкөнүн не&shy;гизги соода-өнөр жай, финансы жана маданий борбо&shy;ру. Тамак-аш, текстиль, дары-дармек өнөр жай ишканалары иштейт. Дамаск жана Араб акаде&shy;миясы, университет, институттар (айыл чарба, политехникалык), калк ки&shy;тепканасы (Жакынкы Чыгыштагы эӊ ири), театрлар, музейлер (анын ичинде аскер курал-жарактары, кылыч, канжар) бар. Ошондой эле көркөм кол өнөрчүлүк (ал&shy;тын, күмүш, жез, жыгач буюмдарын жасоо, килем, кездеме токуу) өнүккөн. Дүйнө жүзүндөгү борбор шаарлардын эӊ байыркысы. Алгач еги&shy;пет фараондорунун 18-династиясынын документ&shy;теринде жана байыркы осуят китебинде маданий жана кол өнөрчүлүк борбору катары эскерилет. 1401-жылы Темирландын аскерлери шаарды басып 

[[File:ДАМАСК16.png | thumb | Шаардын жалпы көрүнүшү.]]

алып, 30 миӊ омейядды мечитке камап, өрттөп жиберген. Алардын ичинен эӊ мыкты кол өнөр&shy;чүлөрдү, зергерлерди (өзгөчө алтын кармаган) Темирлан Орто  Азияга (Самаркандга) алып кел&shy;ген. Биздин заманга чейин 11-кылымдын аягынан биздин заманга чейин 732-жыл&shy;га чейин Дамаск хандыгынын, 661–750-жылдарда Омей&shy;яддар халифатынын борбору. 1517-жылдан 1- дүйнөлүк согуштун аягына чейин Осмон импе&shy;риясынын курамында болгон. 1920–43-жылдарда Си&shy;риядагы Франциянын мандат менен башкарылуу&shy;чу аймагы, 1943-жылдан көз каранды эмес Си&shy;риянын борбору. Байыркы жана орто кылымдын архитектуралык эстеликтери – шаардын тары&shy;хый жана маданий байлыгы. Шаарды айланта курулган дубалдар, дарбаза, монументтик арка жана Ыйык Юпитер Дамасский (1-кылым) колоннасы, Омейяддар, Такия Сулаймания жана Дер&shy;вишия мечиттери (8-кылым), Нур-ад-дин госпиталы (12-кылым), 12–13-кылымдардын көптөгөн медреселери, Азем ак сарайы, эмир Салах-ад-Диндин мавзолейи бар. Шаардын байыркы бөлүгү ''Бүткүл дүйнөлүк мурастын'' тизмесине киргизилген. [[Category: 3-том, 5-85 бб]]