«ГРАВИТАЦИЯЛЫК КОЛЛАПС» барагынын кодун көрүү

'''ГРАВИТАЦИЯЛЫК КОЛЛА&#769;ПС ''' – гравитациялык күчтүн таасиринен асман телолорунун катастрофалык өтө тез кысылуусу. Массасы Күн массасынан 2 эсе чоӊ жылдыздардын эволюциясы Гравитациялык коллапс м-н бүтүшү мүмкүн. Мындай жылдыздардын ядро энергиясы түгөнгөндө өздөрүнүн механикалык туруктуулугун жоготуп, улам тездөөчү ылдамдык м-н борборго карай кысылат. Эгерде жылдыздын улам көбөйүүчү ички басымы Гравитациялык коллапсты токтотсо, анда жылдыздын борбордук бөлүгү ''нейтрон жылдыздарына'' айланууда өз кабыкчасын бөлөт; бул учурда өтө жаӊы жылдыздай жарк этиши байкалат. Эгер жылдыздын радиусу гравитация радиусунун маанисине чейин азайса, анда анын андан ары кысылышына ж-а ''кара көӊдөйгө'' айланышына эч кандай күч тоскоолдук кыла албайт.
[[Category: 2-том]]