«ГАЙДН Франц Йозеф» барагынын кодун көрүү

'''ГАЙДН ''' '''Франц Йозеф''' (болжол менен 31. 3. 1732, Төмөнкү Австрия, Рорау кыштагы – 31. 5. 1809, Вена) – композитор, дирижёр, музыка таануучу, пианист, Вена классикалык мектебинин өкүлү, аспаптык музыкадагы классикалык стилге негиз салуучу, Оксфорд университетинин ардактуу доктору (1791). Алгачкы симфонияларын XVIII кылымдын 1750–1760-жылдарында жазган. Гайдндын чыгармачылыгынын гүлдөгөн учуру 1780–1790-жылдарга туш келген. Ушул жылдары белгилүү Париж, Лондон симфонияларын, бир нече оратория, месса жана башкаларды жараткан. Гайдндын музыкасы тереӊ демократиялык мүнөзгө ээ жана элдик чыгармалар менен тыгыз байланыштуу. <br/>
[[File:ГАЙДН32.png | thumb | И. Гайдн. Рёсслер тарткан портрет. 1799.|left|394x394px]]
Ал көп улуттуу Австриянын музыкалык фольклорун билгичтик менен пайдаланган. 1798-жылы «Дүйнөнүн жаралышы», 1801-жылы «Жыл мезгилдери» операларын жазган. Гайдн 24 операнын, 3 ораториянын, 14 мессанын жана башка диний чыгармалардын, 104 симфония, 41 фортепьянолук трио, квартет, увертюралардын, түрдүү музыкалык аспаптар үчүн концерттердин автору.

<br />Ад.: ''Кремлёв Ю.'' Йозеф Гайдн. М., 1972.
[[Category: 2-том]]