«ГАЗ-ТУРБИНАЛУУ КЫЙМЫЛДАТКЫЧ» барагынын кодун көрүү

'''ГАЗ-ТУРБИНАЛУУ КЫЙМЫЛДАТКЫЧ ''' (ГТК) – кысылып күйгөн газдын энергиясын газ турбинасынын валында механикалык энергияга айлантуучу жылуулук кыймылдаткыч. Анда отундун туруктуу басымда үзгүлтүксүз, туруктуу көлөмдө үзгүлтүктүү күйүшүнөн жумуш процесси аткарылат. ''Газ генератору,'' поршендүү ''компрессору,'' газ камерасы ж-а ''газ турбинасы'' бар ГТКны түзүү идеясын биринчи жолу 1791-жылы англиялык ойлоп табуучу Ж. Барбер сунуш кылган. Кийин көп өлкөлөрдүн илимпоздору ГТКны өркүндөтүшкөн. Туруктуу басымда отун үзгүлтүксүз күйүүчү кыймылдаткыч өнөр жайда кеӊири колдонула баштаган. Бул кыймылдаткычта компрессордон<br/>
[[File:ГАЗ-ТУРБИНАЛУУ КЫЙМЫЛДАТКЫЧ20.png | thumb | Газ-турбиналуу кыймылдаткыч: 1 – компрессор;<br/>2 – күйүү камерасы; 3 – газ турбинасы.]]
күйүү камерасына кысылган аба күйүүчү отун м-н кошо жиберилет. Отун күйгөндө аба ысып, газ продуктуларынын күйүүсүнөн пайда болгон энергия газ турбинасында механикалык жумушка айланат. ГТК катуу, суюк ж-а газ түрүндөгү отундар м-н иштейт. Жылуулук ж-а көчмө электр станциясында, газ, нефть, металлургия ж-а химия өнөр жайында, самолёт, автомобиль ж-а танк кыймылдаткычтары катары, суу транспортунда күч берүүчү ж-а энергия иштеп чыгуучу түзүлмө түрүндө кеӊири колдонулат. ГТКнын кубатуулугу 100 ''МВт''тан ашат ж-а пайдалуу аракет коэффициенти  35% ке чейин жетет.
[[Category: 2-том]]